Popular Bible Verses from JEJU TEĒ KUM JA̰A̰ 17

Share

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

Anī de kə́ dɔ rā̰ tə́ kógə̄ḿ dan ngé kə́ sīrí gə̄ ń kópə kə́ sīrí gə̄ i jīdə́ tə́ ní, reē ɔr̄ najə̄ seḿ, ədam̄ na: Ī-reē ādə̄ m-ɔ́jiī sarya yā dəyá̰ kə́ nge rāā ájə́ba ngá̰ý ń ndi kadə bā bo gə̄ tə́ ní.

Dā̰ ń na m-á̰a̰n ní na ndi kété, ba ń toō ɓáa na gətóo kɔ̄ɔ́. Ni a teē bəlo kə́ ngɔ́nən gətóó tə́ yā kaw̄ loo kə́ tan a tḭ̄ḭ̄ kɔ̄ɔ́ tū tə́ tə́. Ba de kə́ dɔ nang tə́ gə̄ ń kété ta kəla gír kəndā dɔ rā̰ ō dɔ nang ō tə́, ndangən̄ rīdə́ kem makətūbə̄ ndi kə kumuú tə́ alé ní, dan ń nin̄ a a̰a̰n̄ dā̰ ní anī, a ɔr kumdə́ ngá̰ý. Tām̄ dā̰ ní ndi kété ō, gətóo kɔ̄ɔ́ ō, banī a tél yā reē ɓáý ō.

Ndangən̄ rī kógə̄ḿ nɔtə non tə́. Rī ní i rī kə́ kumən to loo mundə̄ tə́. Rī ní n toó: Babilon kə́ bo ń i kó̰ó̰ ájə́ba gə̄ ō, kó̰ó̰ yá̰á̰ kə́ majaĺ ngá̰ý gə̄ kə́ dɔ nang tə́ ní ō.