Popular Bible Verses from JEJU TEĒ KUM JA̰A̰ 11

Share

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

Nápar de gə̄ rāān̄ wōn̄g, ba i wōn̄g yāí ḭ̄ n reē rāā yá̰á̰ ní. Kum mbang kə́ yā gāngəń sarya dɔ de kə́ koy gə̄ tə́ asə ō, kum mbang kə́ yā kəndāń nja ngé kəla yāí gə̄ ń i ngé koō ta gə̄ ō, i deē yāí gə̄ ō, ngé ɓōĺ rīí gə̄ ō ń nin̄ i de kə́ dūú gə̄ ō, kə́ bo gə̄ ō ní, asə ō, kum mbang nujə ngé nujə dɔ nang gə̄ asə ō.

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

Ba gō ndɔ̄ kə́ mətá kə núsə́ ní tə́ anī, koō kógə̄ḿ kə́ a rāā deē kadə̄ ndi kə kumneé, ḭḭ rɔ̄ Nə́ɓā tə́ udə kemdə́ tə́, adə̄ ḭḭ ran̄ kə njadə́ dɔɔ́. Loo ń noō tə́ ɓōĺ rāā de gə̄ ń a̰a̰n̄də́ ní ngá̰ý.

Nin̄-aw̄n̄ kə tɔ́gə kutə̄ ta dɔ rā̰, kadə̄ man̄ edə alé kem ndɔ̄ gə̄ ń nin̄ a ədan̄neé najə̄ ń Nə́ɓā əndā tadə́ tə́ ní ō, aw̄n̄ kə tɔ́gə rāā kadə̄ man̄ téĺ mósə ō, aw̄n̄ kə tɔ́gə kənda dɔ nang kə yá̰á̰ kə́ tōr̄ kə́ tayā tayā gə̄ kadə̄ asə kumən yādə́ ō.

I nin̄ n i kāgə̄ olibə kə́ jōó gə̄ ō, ɗəra hor kə́ jōó gə̄ ō ń ran̄ no kɔ́ɔ̄ dɔ nang tə́ ní. Ba ré deē kógə̄ḿ sāā rāādə́ yá̰á̰ kə́ tōr̄ anī, hor kógə̄ḿ teē tadə́ tə́ ba o̰o̰ madə̄ ba̰ā̰də́ gə̄. Náā nəkɔ́ ń sāā rāādə́ yá̰á̰ kə́ tōr̄ ní, a oy i tītə̄ ń noō.