Popular Bible Verses from NGÉ SARYA 7

Share

Kɔ́ɔ̄ɓē əda Jedeo̰ na: De gə̄ ń seí ní nin̄ i ngá̰ý adə̄ m-ā m-ādə̄ a tetən̄ Madian gə̄ rɔ̄ɔ̄ alé na sōgə́ ngán Israel gə̄ ɔjən̄ rɔ̄də́ ədan̄ na i jīdə́ n na ajədə́ ní ō, tūrə̄n̄ gír rī ɓār̄ ń i yāḿ ní kə́ yādə́ tə́ ō.

Kɔ́ɔ̄ɓē əda Jedeo̰ na: M-ā m-ájə́ ngán Israel gə̄ i kə ta kūl̄ de kə́ ɓú mətá gə̄ ń tə́gān̄ man̄ kə̄ tadə́ tə́ ní ō, m-ā m-ə́la Madian gə̄ kem jīí tə́ i kə kūl̄də́ ō. Ba ādə̄ gotə de gə̄ tél aw̄n̄ kógə̄ḿ kógə̄ḿ kə̄ ɓē yādə́ gə̄ tə́.

Adə̄ ə̄nī mbēr̄ əda de gə̄ na: Deē ń ɓōĺ rāān adə̄ a ndew ní kə tél aw̄ gogə́ ɓēé. De gə̄ 22 000 dan ngán Israel gə̄ tə́ tél aw̄n̄ ɓēé. Ba gotə de gə̄ ń na̰yn̄ ní i 10 000.

Kɔ́ɔ̄ɓē əda Jedeo̰ na: De gə̄ ní na̰yn̄ i ɓáý āw̄ sedə́ ta man̄ tə́ ādə̄ m̄-gə̄rā dandə́ m-ādī. Deē ń kadə̄ aw̄ seí ní m-ā m-ə́daī ō, deē ń kadə̄ aw̄ seí aĺ ní m-ā m-ə́daī ō.

Jedeo̰ aw̄ kə de gēé ta man̄ tə́ anī Kɔ́ɔ̄ɓē ədan na: Deē ń a tə́gā man̄ kə̄ tan tə́ tītə̄ bísə a a̰ȳ man̄ ní ɔrə̄n tayā ō, deē ń a tétə̄ i kejən tá a a̰ȳń man̄ ní ɔ̄rən tayā ō. De gə̄ ń tə́gān̄ man̄ kə jīdə́ kə̄ tadə́ tə́ ní nin̄ i ɓú mətá, ba gotə de gə̄ malang tétə̄n̄ i kejədə́ n a̰ȳnəń man̄ ní.