Popular Bible Verses from NGÉ SARYA 6

Share

Nge kaw̄ kəla yā Kɔ́ɔ̄ɓē ndɔ̄w̄n ba ədan na: Go̰ rɔ̄ɔ̄, Kɔ́ɔ̄ɓē i naā tə́ seí.

Kɔ́ɔ̄ɓē tūr̄ kumən kə̄ rɔ̄n tə́ ba ədan na: Āw̄ ī-gān̄g dɔ ngán Israel gə̄ jī Madian gə̄ tə́ kə tɔ́gí ń noō. I mā n m-ə́laī ní.

Anī Kɔ́ɔ̄ɓē tél ədan na: Mā i seí naā tə́, i yá̰á̰ ń noō n ā ī-tetəń Madian gə̄ rɔ̄ɔ̄ tītə̄ kə́ nin̄ i de kə́ kógə̄ḿ beē ní.

Jedeo̰ tél ədan na: Kɔ́ɔ̄ḿ, ré Kɔ́ɔ̄ɓē i naā tə́ sejí anī yá̰a̰ malang kə́ tōr̄ gə̄ ń toō rāān̄jí i tām̄ rí tə́? Yá̰á̰ kə́ yáā gə̄ ń kaají gə̄ ədan̄jí dan ń a ənīnəńjí gotə teē kə́ Kɔ́ɔ̄ɓē teē sedə́ kɔ̄ɔ́ kem ɓē kə́ Ejiptə tə́ ní i rá? Kə́ rɔ̄kum tə́ tā anī Kɔ́ɔ̄ɓē əya̰jí kɔ̄ɔ́ tām̄ ni əlají kem jī Madian gə̄ tə́.

Banī Jedeo̰ tél ədan na: ḿ Kɔ́ɔ̄ḿ, m-ā m-ájə́ ngán Israel gə̄ i ba̰ý? Gír ɓē yā Manase tə́ ní de kə́ gír kaa yāḿ mā tə́ gə̄ ní tɔ́gə́də́ gətóo tɔȳ yā gotə de gə̄ malang. Tá kem ndogə̄ yā bɔbə́ḿ tə́ ní mā i ngōn̄ kə́ dūú ngá̰ý.

Nge kaw̄ kəla yā Kɔ́ɔ̄ɓē reē ndi gír kāgə̄ sén yā Yoas tə́, kem ɓē kə́ Opəra tə́. Yoas i de kə́ gír kaa yā Abiejer tə́. Ngōnən Jedeo̰ ra i kem loo mbə́rē kan̄ kāgə̄ nduú tə́ n a ənań kōō gémē, kadə̄ de kə́ Madian gə̄ a̰a̰nən̄ aĺ ní.

Jedeo̰ rāā loo tun̄ yá̰a̰ loo ní tə́ adə̄ Kɔ́ɔ̄ɓē, ba ənī rīn na i Kɔ́ɔ̄ɓē i nge sɔl̄ kem deē. Ɓōólaā gə̄gē ní loo tun̄ yá̰á̰ ní ra kem ɓē kə́ Opəra yā Abiejer tə́ noō.

Anī Jedeo̰ tél ədan na: Ré ī-rāā kem majə seḿ anī ī-rāā yá̰á̰ kógə̄ḿ ɔ́jəmə̄ń kadə̄ i ḭ̄ Kɔ́ɔ̄ɓē n ī-ra ā ɔ̄r̄ najə̄ seḿ toō.

Banī Kɔ́ɔ̄ɓē ədan na: Ādə̄ kemií sɔl̄, ī-ɓōl alé na ā óy alé.

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰, adə̄ Kɔ́ɔ̄ɓē əladə́ kem jī Madian gə̄ tə́ ɓāl̄ sīrí.