Popular Bible Verses from JAKƏ 3

Share

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

I náa n i de kə́ kumən edə̄ ō, kə́ ger̄ yá̰a̰ ō, dɔ dáńsí tə́ ní? Ādə̄ ni-ɔjə hál dɔ sɔl̄ ō, kum kedə̄ yān ní ō kə̄ ndágá.

Ngé gə̄ ń kem sɔl̄ lɔm nel̄də́ ní, a dubə̄n̄ i kōō kem sɔl̄ lɔm kə gō gidədə́. Ba kan̄ yá̰a̰ gə̄ ń nin̄ a əjan̄ ní, i yá̰a̰ rāā kə́ gōtə́ gə̄.

Tɔdɔ̄ loo ń kəndā naā nii ō, rɔ̄ɔ̄ naā dɔ yá̰á̰ tə́ ō i tū tə́ ní, yá̰a̰ a a̰a̰ gō naā tū tə́ aĺ ō, yá̰á̰ kə́ majaĺ gə̄ malang i tū tə́ ō.

J-ɔriī ta nge ń i Kɔ́ɔ̄ɓē ō, Bɔbə̄jí ō ní seneé ō, jə-ndɔ̄líī de gə̄ ń Nə́ɓā rāādə́ adə̄ teēnən̄ ní i seneé ō. Tɔ́r̄ ta ō, ndɔ̄ĺ ō, teēn̄ i tají kə́ kógə̄ḿ beē tə́. Ngákó̰ó̰ḿ gə̄, majə kadə̄ i tītə̄ ń noō alé.

Ba ta ndo̰jí i hor ō, i loo kə́ yá̰á̰ kə́ majaĺ gə̄ malang i tū tə́ ō. Ni i ngōn̄ rɔ̄jí kógə̄ḿ kə́ dan madə̄ gə̄ tə́ kə́ nge tákə̄ gotə rɔ̄jí malang kə yá̰á̰ kə́ yḛreé. Ni i nge kunjə̄ hor Gehen kəla dɔjí tə́ ndɔ̄ kojəjí tə́ bátə́ ndɔ̄ koyjí tə́.

Banī ta ndo̰jí ní, deē kógə̄ḿ kə́ asə tetə dɔn gətóo. I yá̰á̰ kə́ tōr̄ kə́ a to jəke alé. Kəga kə́ a tɔ̄l̄ deē rosə kemən.

Ngákó̰ó̰ḿ gə̄, ādī de kə́ dáńsí tə́ kə́ ngé ndóō de gə̄ yá̰a̰ gə̄ i ngá̰ý alé, tɔdɔ̄ ī-gerī kadə̄ a gāngə̄n̄ sarya kə́ ngan̄g ngá̰ý dɔjí jḭḭ ngé ndóō de gə̄ yá̰a̰ gə̄ tə́.