Popular Bible Verses from NDŪ NAJƏ̄ 7

Share

I Kɔ́ɔ̄ɓē Nə́ɓā yāsí ngóy n i Nə́ɓā kə́ rɔ̄kum ní majə kadə̄ ī-gerī. Ngé gə̄ ń tárnən̄ ō, ngɔ̄mə̄n̄ gō míndən gə̄ ō ní, madə̄ naā yān ń rāā sedə́ ō, rāā kə gír kojə yādə́ gə̄ ń a reēn̄ ɓáý ní ō ní a əhɔ gír kadə̄ ngan̄g ō, a tūr̄ ndūn aĺ ō.

Tɔdɔ̄ sḭḭ̄ i gír de gə̄ kə́ ɔrə̄n̄ kam̄sí tayā tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ kə́ sɔɔ̄ dɔn nəkɔ́ ngóý ní.

Ba ré Kɔ́ɔ̄ɓē teē sesí kɔ̄ɔ́ kem ɓē ń ī-rāāī ɓəlo tū tə́ ní tə́ kə tɔ́gə jīneé ō, ré ni-taāsí kɔ̄ɔ́ jī Parao̰ ń i mban̄g kə́ Ejiptə tə́ ní əya̰sí dɔɔ́ ō anī, kumən na Kɔ́ɔ̄ɓē táŕsí ō, ra dɔ ndūn ń ənī adə̄ kaasí gə̄ ní tə́ ō.

I tām̄ kutəsí kə́ tɔȳ yā gír de gə̄ malang n Kɔ́ɔ̄ɓē tə́ya̰ń gōsí tə́ ō, gə̄rańsí ō ní alé. Tɔdɔ̄ sḭḭ̄ i de kə́ ngá̰ý aĺ tɔȳ gotə gír de gə̄ malang.

A rāā majə sesí ngá̰ý tɔȳ yā gír de kə́ rang gə̄. De kə́ dəngam aké de kə́ dəyá̰ kə́ kujə a gətóo dɔ dáńsí tə́. Yá̰a̰ kul̄ yāsí kə́ kujə a gətóo.