Popular Bible Verses from NDŪ NAJƏ̄ 4

Share

Loo ń noō tə́ ní ā ī-sāāī Kɔ́ɔ̄ɓē Nə́ɓā yāsí. Ré ī-sāāniī kə ngarā̰ kemsí mámák ō, kə rɔ̄sí malang ō anī, ā ə́ngeniī.

Tɔdɔ̄ Kɔ́ɔ̄ɓē Nə́ɓā yāsí i Nə́ɓā kə́ kumən a o̰o̰n, adə̄ ni a əya̰sí kɔ̄ɔ́ aĺ ō, a nujə sesí kɔ̄ɔ́ malang aĺ ō. Madə̄ naā ń ənī míndən rāań kə kaasí gēé ní dɔn a ndígə̄nal aĺ ō.

Tām̄ Kɔ́ɔ̄ɓē Nə́ɓā yāsí i hor kə́ a o̰o̰ loo. Ni i Nə́ɓā kə́ nge rāā jang.

Banī yá̰á̰ ń kadə̄ ə̄ndāī kumsí gírí majə ní, i kadə̄ dɔsí ndígə̄nal yá̰a̰ gə̄ ń á̰a̰ī kə kumsí ní alé. Bátə́ gēé ādī dɔsí ndígə̄nal alé, ba ɔ́jiī ngáńsí gə̄ ō, ngán kaasí gə̄ ō, ādə̄ gerə̄n̄.

Ní, yá̰á̰ ń kadə̄ ī-gerī ɓōólaā ō, ī-ngɔ̄mī kemsí tə́ ō ní n toó: I Kɔ́ɔ̄ɓē n i Nə́ɓā dɔ rā̰ tə́ ō, dɔ nang tə́ ō ní. Nə́ɓā kə́ rang gətóo.

Tɔdɔ̄ i nápar de kə́ ngá̰ý gə̄ kə́ rá n ɓesə̄ yādə́ gə̄ i ngɔr rɔ̄də́ tə́ tītə̄ ń Kɔ́ɔ̄ɓē Nə́ɓā yājí i ngɔr rɔ̄jí tə́ kə dɔ ɓāŕ gə̄ malang ń j-a jə-ɓāŕniī kadə̄ dḭḭ̄jí ní ní?

Ré yá̰a̰ gə̄ ń m̄-tāāsí najə̄n malang toó reē ugə̄n̄ dɔsí tə́ adə̄ ī-ndiī dan wur kɔl tə́ anī, ā ī-téliī yā reē rɔ̄ Kɔ́ɔ̄ɓē Nə́ɓā yāsí tə́ ō, yā koō najə̄ kɔrə̄n gogə́ rang ō.

Yá̰a̰ gə̄ ń Kɔ́ɔ̄ɓē Nə́ɓā yāsí əndā dɔsí tə́ kadə̄ ī-rāāī á m-ə́dásí ní, ā ə̄nīī kə́ rang dɔ tə́ aĺ ō, ā ə́ya̰ī kógə̄ḿ kɔ̄ɔ́ aĺ ō, ba ā ī-ngɔ̄mīdə́.