Popular Bible Verses from NDŪ NAJƏ̄ 30

Share

Ɓōólaā m-ún dɔ rā̰ ō, dɔ nang ō, kadə̄ nin̄ i ngé kəda najə̄ kə́ kum tə́ dɔí tə́. Yá̰á̰ ń m-ə̄ndā noí tə́ ní i ndi kə kumuú nin̄ kə yoó ō, i tɔ́r̄ ta nin̄ kə ndɔ̄ĺɔ́ ō. Ā ī-gə̄rā i ndi kə kumuú kadə̄ ī-ndiń kə kumií kə ngání gə̄ ō, ngán kaaí gə̄ ō. Ā ī-táŕ Kɔ́ɔ̄ɓē Nə́ɓā yāí ō, ōō tan ō, ī-tə́ya̰ gon tə́ ō. I beé n ā ī-ndiń kə kumií ɓāl̄ ngá̰ý dɔ nang ń Kɔ́ɔ̄ɓē ənī ndūn yā kadə̄ kaaí Abəraham ō, Isaak ō, Jakob ō tə́ ní.

Ɓōólaā m-ə̄ndā dɔí tə́ kadə̄ ī-táŕ Kɔ́ɔ̄ɓē Nə́ɓā yāí ō, kadə̄ ún gō róbə yān gə̄ ō, kadə̄ ī-rāā gō míndə gə̄ ń ni ədaī ní ō, kadə̄ ī-ngɔ̄m̄ ndū najə̄ yān gə̄ ō, jī-bēl̄ loo rāā yá̰a̰ yān gə̄ ō, kadə̄ ī-ndiń kə kumií ō, ójiīneé naā ngá̰ý ō, kadə̄ Kɔ́ɔ̄ɓē Nə́ɓā yāí rāań majə seí kem ɓē ń ā āw̄ kə̄ tū tə́ yā taā tə́ ní ō.

Á̰a̰ā̰, ɓōólaā m-ə̄ndā ndi kə kumuú nin̄ kə rɔ̄nelēé ō, yo nin̄ kə yá̰á̰ kə́ to kum kaȳ aĺ ō noí tə́.

Ndū najə̄ ní i rɔ̄í tə́ ngɔr. I taí tə́ ō, dan wurií tə́ ō, kadə̄ ī-rāań yá̰á̰ ń əda ní.

Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.

Kɔ́ɔ̄ɓē Nə́ɓā yāsí a adə̄sí rɔ̄nel̄ tū yá̰a̰ malang ń ā ī-rāāī tə́ ní, tɔdɔ̄ a adə̄sí ngán gə̄ ngá̰ý ō, a rāā kadə̄ yá̰a̰ kul̄ yāsí gə̄ ojən̄ naā ngá̰ý ō, a rāā kadə̄ dɔ nang yāsí teē kōō ngá̰ý ō. Tītə̄ ń ndi majə yā kaasí gə̄ nelə̄ń Kɔ́ɔ̄ɓē kété ní, yá̰á̰ ń a tél yā nelə̄n gogə́ rang ní i ndi majə yāsí sḭḭ̄ ō

Ba ré ī-tūr̄ gidií kɔ̄ɔ́ tan tə́ ō, ōō tan aĺ ō, ə́ya̰ rɔ̄í ādə̄ aw̄n̄ seí adə̄ ɔ́sə noí nang tə́ no ɓesə̄ gə̄ tə́ ō, ī-rāā kəla ādə̄də́ ō anī, m-ə́daī gān̄g ɓōólaā ā ī-gətóo. Dɔ nang ń ā āw̄ yā taā gidə bā Jurdḛ kə́ dām̄ kə́ nú tə́ ní, ā ī-ndi tū tə́ dan i ngá̰ý alé.

Gō míndə ń m-ɔ́jiī ɓōólaā ní i yá̰á̰ kə́ ngan̄g ngá̰ý kə́ ásə ger̄ kum aĺ aĺ ō, kə́ sa̰y ngá̰ý kə́ kadə̄ ásə kugə̄ gō tə́ aĺ aĺ ō.

To i dɔ rā̰ tə́ á deē a ədań na: I náā n a aw̄ gō tə́ dɔ rā̰ tə́ yā reēń kadə̄ j-oō ba jə-rāā kə gōó aĺ ō.

To i gidə bā bo tə́ á deē a ədań na: I náā n a aw̄ gō tə́ gidə bā bo tə́ yā reēń kadə̄ j-oō ba jə-rāā kə gōó aĺ ō.