Popular Bible Verses from NDŪ NAJƏ̄ 28

Share

Ré ōō ta Kɔ́ɔ̄ɓē Nə́ɓā yāí rɔ̄kum, adə̄ gō míndə gə̄ ń m-ə́daī kadə̄ ī-rāā á m-ɔ́jiī ɓōólaā ní ə̄ndā kumií gīrí malang ī-rāā anī, ni a rāā kadə̄ ḭ̄ i de kə́ kété no nápar de gə̄ malang ń əndādə́ dɔ nang tə́ ní. Yá̰á̰ kə́ majə gə̄ ń ni a rāā seí ní n toó

Ré ōō ta Kɔ́ɔ̄ɓē Nə́ɓā yāí rɔ̄kum, adə̄ gō míndə gə̄ ń m-ə́daī kadə̄ ī-rāā á m-ɔ́jiī ɓōólaā ní ə̄ndā kumií gīrí malang ī-rāā anī, ni a rāā kadə̄ ḭ̄ i de kə́ kété no nápar de gə̄ malang ń əndādə́ dɔ nang tə́ ní. Yá̰á̰ kə́ majə gə̄ ń ni a rāā seí ní n toó

Kɔ́ɔ̄ɓē a əndāī i kété ba i gogə́ alé. Ngáńdáńg ā āw̄ i kum kə̄ dɔɔ́ ba ā ī-tél kə̄ nang tə́ alé, tɔdɔ̄ ī-rāā gō míndə gə̄ ń Kɔ́ɔ̄ɓē Nə́ɓā yāí əda na kə ī-rāā á m-ə́daī ɓōólaā na kə ī-ngɔ̄m̄ ō, kə ī-rāā ō ní.

Kɔ́ɔ̄ɓē a teē ta man̄ yān kə́ majə kə́ dɔ rā̰ tə́ yā kadī, kadə̄ edə dɔ nang yāí tə́ kə dɔ nāāneé, kadə̄ kəla malang ń ī-rāā ní majə. Nápar de gə̄ ngá̰ý a tə̄nān̄ yá̰a̰ jīí tə́, banī ḭ̄ ā ī-tə̄nā yá̰a̰ alé.

Ré madə̄ ba̰ā̰í gə̄ a ənīnī rɔ̄ɔ̄ anī, Kɔ́ɔ̄ɓē a tetədə́ rɔ̄ɔ̄ yā kadī. Ré unən̄ i róbə́ kə́ kógə̄ḿ beē n reēn̄neé yā rɔ̄ɔ̄ī anī, a télən̄ yā ka̰ȳ naā noí tə́ i kə ta róbə́ kə́ rang gēé gír sīrí.

Kɔ́ɔ̄ɓē Nə́ɓā yāí a ngɔ̄m̄ yá̰a̰ malang ń ī-kán̄ nja kə̄ kem mō̰ȳ yāí gə̄ tə́ ní ō, kəla malang ń ā ə́lá gír rāā ní, a rāādə́ kadə̄ teēī yá̰á̰ tə́ ō. Ni a rāā majə seí kem ɓē ń adī tə́ ní.

Tɔ́r̄ ta a reē dɔí tə́ ta kawí tə́ ō, ta télí tə́ ō.

Tɔ́r̄ ta a reē dɔí tə́ kem ɓēé ō, a reē dɔí tə́ bembeé ō.

Tɔ́r̄ ta a reē dɔ ngán kemií gə̄ tə́ ō, dɔ kōō yāí gə̄ tə́ ō, dɔ yá̰a̰ kul̄ yāí gə̄ tə́ ō, dɔ kó̰o̰ man̄g yāí gə̄ tə́ ō, dɔ kó̰o̰ batə̄ yāí gə̄ tə́ ō, dɔ kó̰o̰ bə̄yā̰ yāí gə̄ tə́ ō.

Dan ń ī-rāā gō míndə gə̄ ń Kɔ́ɔ̄ɓē Nə́ɓā yāí əda na kə ī-rāā ní ō, ún gō róbə yān gə̄ ō anī, ni a rāāī kadə̄ ī-tél gír de gə̄ kə́ tām̄ yān tə́, tītə̄ ń ənīń ndūn adī ní.

Tɔ́r̄ ta a reē dɔ jáng yāí tə́ ō, dɔ yá̰a̰ ɓōkə́ ndujə̄ yāí tə́ ō.

Kɔ́ɔ̄ɓē Nə́ɓā yāí a rāā kadə̄ rɔ̄í nelī dɔ nang ń ənī ndūn adə̄ kaaí gə̄ yā kadī tə́ ní. Tɔdɔ̄ ni a adī ngán gə̄ ngá̰ý ō, a rāā kadə̄ yá̰a̰ kul̄ yāí gə̄ ojən̄ naā ngá̰ý ō, kadə̄ dɔ nang yāí a teē kōō ngá̰ý ō.

Gír de kə́ rang gə̄ malang kə́ dɔ nang tə́ a a̰a̰n̄ kadə̄ ɓāŕnī i kə rī Kɔ́ɔ̄ɓēé anī a ɓōĺnī.

Ni a rāā majə seí tɔdɔ̄ ī-tɔ̄ɔ̄ geleé aĺ ō, ko̰ó̰ aĺ ō, dɔ róbə gə̄ malang ń m-ɔ́jə́sí ɓōólaā tə́ ní ō, ī-ndɔ̄ȳ ɓesə̄ gə̄ ń i nə́ɓā kə́ rang gə̄ ní aĺ ō.

Ba ré ōō ta Kɔ́ɔ̄ɓē Nə́ɓā yāí alé, ré gō míndə gə̄ ō, ndū najə̄ gə̄ ō ń ni mērə̄m̄ kɔjiī á m-ɔ́jiī ɓōólaā ní, ré ə̄ndā kumií gīrí malang ī-rāā alé anī, ndɔ̄ĺ gə̄ ń a reēn̄ dɔí tə́ ō, a rāānī ō ní n toó