Popular Bible Verses from 2 YÁ̰A̰ GƏ̄ 20

Share

Ni-əda na: Sḭḭ̄ malang, Juda gə̄ ō, de kə́ Jerusalem gə̄ ō, mban̄g Josapat ō, ī-nēlī mbīsí majə ōōīneé! Najə̄ ń Kɔ́ɔ̄ɓē əda ní n toó: Ī-lōōī sōl̄ ō, ī-lōōī kadə̄ ndíĺsí a̰ȳ ō, no kósə de kə́ ngá̰ý gə̄ ń toō tə́, tām̄ rɔ̄ɔ̄ ń toō i rɔ̄ɔ̄ yāsí alé ba i rɔ̄ɔ̄ yā Nə́ɓā.

Ā ī-rɔ̄ɔ̄īdə́ loo ń noō tə́ alé. Āw̄ ī-raī loo ní tə́ gotə kógə̄ḿ ba á̰a̰ī loo tetə ń Kɔ́ɔ̄ɓē a tetə rɔ̄ɔ̄ yā kadə̄sí ní. De kə́ Juda gə̄ ō, Jerusalem gə̄ ō, ī-lōōī ɓōĺ ō, ī-lōōī kadə̄ ndíĺsí a̰ȳ ō. Bírí ī-teē ī-tə́nāī tadə́ loo ń noō tə́ na Kɔ́ɔ̄ɓē i naā tə́ sesí.

Kɔ́ɔ̄ɓē Nə́ɓā yājí, ā ī-gān̄g sarya dɔdə́ tə́ aĺ a? Jə-tūr̄ kumjí kə̄ rɔ̄í tə́ ba jə-rāāī ɓɔ́ tām̄ tɔ́gə́jí gətóo no kósə de kə́ ngá̰ý gə̄ ń a reēn̄ kə̄ rɔ̄jí tə́ toō ō, jə-ger̄ yá̰á̰ kə́ yā rāā aĺ ō.

Josapat oōn̄ naā kə ngán Israel gēé ba əndā ngé pā gə̄ kə́ tə́lan̄ kūbə̄ kə́ táĺ gə̄ rɔ̄də́ tə́ kadə̄ njə̄rān̄ kété no ngé rɔ̄ɔ̄ gə̄ tə́ kadə̄ ɔsən̄ gɔn Kɔ́ɔ̄ɓē kə pāá ədan̄ na: Ī-tɔ̄yī Kɔ́ɔ̄ɓē tɔdɔ̄ kem majə yān to ngándáńg.

Dan ń əlan̄ gír kun pā tɔ̄ȳ anī, Kɔ́ɔ̄ɓē rāā adə̄ ngé tə́la de gə̄ naā tə́ gə̄ ḭḭn̄ dan ngán Amon gə̄ tə́ ō, ngán Moab gə̄ tə́ ō, dan ngé kə́ dɔ mbal̄ kə́ Seir tə́ gə̄ ō ń reēn̄ yā rɔ̄ɔ̄ Juda gə̄ ní tə́, adə̄ nin̄ kɔ́ gə̄ télən̄ kə̄ dɔ naā tə́ a rɔ̄ɔ̄n̄ naā.

Ɓōĺ rāā Josapat adə̄ ni gḛy sāā Kɔ́ɔ̄ɓē. Ni-ənī mbēr̄ kadə̄ de gə̄ ndin̄ ɓō tām̄ yā Nə́ɓā tə́ gō nang kə́ Juda tə́ malang.

Ré yá̰á̰ kə́ to kum kaȳ aĺ əsō dɔdə́ tə́ adə̄ i kaskar, aláa i kōō gə̄ n ndumən̄ kə njadə́ dɔɔ́, aláa i mo̰y ngāl̄bɔ̄gīí, aláa i ɓō kə́ əsō kem ɓēé, ba ré n-reē n-ndan̄ noí tə́ ta kújə́ ń toō tə́, tɔdɔ̄ rīí i kem kújə́ ń toō tə́, ba ré n-əgan̄ kɔŕ kə̄ dɔí tə́ kadə̄ ī-dḭḭ̄də́, tɔdɔ̄ wur kɔl kə́ ngá̰ý əsō dɔdə́ tə́ anī, kə ōō ndūdə́ ba kə ájə́də́.

Ī-teēī bírí ī-risə āwī kum kə̄ dɔdə́ tə́. I nin̄ n al̄ a reēn̄ kum kə̄ dɔɔ́ kə gō kadə loo ń a ɓārə́n̄ na i hútə̄ yá̰á̰ ní tə́ toō. Ā ə́ngeīdə́ ta ngóý wól loo tə́, loo ń ra sɔɔ̄n̄ ta naā kə dəla loo kə́ Yeruel tə́ ní.

Juda gə̄ ḭḭn̄ kə̄ ɓē gə̄ tə́ malang reē kánə̄n̄ naā yā rāā Kɔ́ɔ̄ɓē ɓɔ́ kadə̄ Kɔ́ɔ̄ɓē rāā sedə́.