Teē kə kōŕneé, dan ń Asdod gə̄ reēn̄ kem kújə yā Dagon tə́ kə gír looí ɓatə anī, Dagon i kə́ əsō sébə kumən nang tə́ no sandúkə yā Kɔ́ɔ̄ɓē tə́. Unən̄ Dagon dɔɔ́ ba əndānən̄ gotən tə́. Teē kə ndɔ̄ kə́ noō, dan ń Asdod gə̄ teē reēn̄ kem kújə yā Dagon tə́ kə gír looí ɓatə anī, Dagon i kə́ teē əsō ba sébə kumən nang tə́ no sandúkə yā Kɔ́ɔ̄ɓē tə́. Dɔn ō, jīn kə́ jōó gə̄ ō, i kə́ teē tə́sōn̄ ta róbə́ kújə́ tə́, ba na̰y i rɔ̄n ngóy.
