Popular Bible Verses from 1 MBAN̄G GƏ̄ 18

Share

Ī-ndigəm̄, Kɔ́ɔ̄ɓē, ī-ndigəm̄, ādə̄ de gə̄ ń toō gerə̄n̄ kadə̄ i ḭ̄ Kɔ́ɔ̄ɓē n i Nə́ɓā ō, nge tūr̄ kem deē yāí gə̄ kə̄ rɔ̄í tə́ ō ní.

Dan ń kum mbang tun̄ yá̰á̰ kə́ loo sɔlí asə anī, Eli ndɔ́tə̄ kə̄ ta loo tun̄ yá̰á̰ tə́ ba əda na: Kɔ́ɔ̄ɓē, Nə́ɓā yā Abəraham ō, yā Isaak ō, yā Jakob ō, ɔ́jə kə̄ ndágá ɓōólaā ādə̄ de gə̄ gerə̄n̄ kadə̄ i ḭ̄ n i Nə́ɓā dɔ nang kə́ Israel tə́ ō, mā i nge kəla yāí ō, m̄-rāā yá̰a̰ gə̄ ń toō malang i kə gō najə̄ kə́ taí tə́ ō.

Eli ndɔ́tə̄ kə̄ rɔ̄ de gə̄ tə́ malang ba ədadə́ na: I rə́ngáý tə́ ń a asəsí ndām̄ dɔ njasí kə́ kógə̄ḿ tə́ ō, tél ndām̄ dɔ njasí kə́ rang tə́ ō ní? Ré i Kɔ́ɔ̄ɓē n i Nə́ɓā anī úniī gōn ō, ré i Baal n i Nə́ɓā anī, uniī gōn ō! Banī deē kógə̄ḿ ədan najə̄ alé.

Anī hor yā Kɔ́ɔ̄ɓē əsō dɔ yá̰a̰ tun̄ kə́ yā róō tə́ o̰o̰ ō, o̰o̰ń kīr̄ gə̄ ō, mbal̄ gə̄ ō, bumbə́ru ō, rāā adə̄ man̄ kə́ kem bəloó iī kɔ̄ɔ́ ō.

Dan ń ngán Israel gə̄ a̰a̰n̄ yá̰á̰ ní anī, nin̄ malang əsōn̄ kə̄ nang tə́, ɔsən̄ nodə́ nang tə́ ba ədan̄ na: I Kɔ́ɔ̄ɓē ń i Nə́ɓā ní! I Kɔ́ɔ̄ɓē n i Nə́ɓā ní!

Nja kə́ nge ko̰ sīrí anī nge kəla əda na n-a̰a̰ ngōn̄ kil̄ man̄ kə́ dūú kə́ asə kə da jī deé dɔ bā bo tə́. Anī Eli ədan na kə aw̄ kə əda Akab kadə̄ ənī yá̰á̰ kɔ́ sə́nda yān gə̄ tə́ ba kə aw̄ na sōgə́ man̄ ɔgə̄n kaw̄.

Eli do̰ō̰ ɓōdə̄n ō, Kɔ́ɔ̄ɓē adə̄n tɔ́gə́ ngá̰ý ō, adə̄ ni a̰ȳ ngɔ̄də̄ kété no púsə́ sə́nda yā Akab tə́ bátə́ ugə̄ń Jisreel.

Gō tə́ anī Eli əda Akab na kə aw̄ kə əsa yá̰a̰ ō, kə a̰ȳ man̄ ō, tɔdɔ̄ n-oō kōō man̄ kə́ a edə.

Ni-əda nge kəla yān na kə al̄ kə̄ dɔɔ́ ba kə go̰ō̰ loo kə̄ dām̄ kə́ bā bo tə́. Nge kəla yān ní al̄ dɔɔ́, go̰ō̰ loo ba ədan na yá̰a̰ na gətóo. Eli ədan nja sīrí na kə tél kə aw̄ kə go̰ō̰ loo.

Eli əda ngán Israel gə̄ malang na kə reēn̄ kə̄ rɔ̄n tə́ ngɔr. Anī nin̄-reēn̄. Ni-tél rāā loo tun̄ yá̰a̰ yā Kɔ́ɔ̄ɓē ń de gə̄ bótə̄yō̰n̄ kété kɔ̄ɔ́ ní gogə́ rang.

Nin̄ a ɓārə́n̄ nə́ɓā yādə́ ō, mā m-ā m̄-ɓāŕ Kɔ́ɔ̄ɓē ō. Nə́ɓā ń a ndigə ɓār̄ ń ɓār̄nən̄ adə̄ a əla hor dɔ kīr̄ tə́ ní, i ni n i Nə́ɓā ní. De gə̄ malang ndigən̄ najə̄ ní, ədan̄ na i najə̄ kə́ majə.

Ni-ɔy mbal̄ kutə gidə i jōó, kə gō kutə gír ɓē kə́ kutə gidə i jōó gə̄ yā ngán Jakob ń Kɔ́ɔ̄ɓē ədan kété na a ɓāŕnən̄ ngɔlaā na i Israel ní.

Dan ń mbang i dan ɓēé anī, Eli lurdə́ əda na: Ə́gaī kɔŕ ādə̄ ndūsí mān̄ dɔ nge kə́ kété! Ni i nə́ɓā adə̄ kəla i ngá̰ý dɔn tə́. Majanī gətóo ɓēé, majanī aw̄ mbā tə́, majanī a ɓīī i mbée, adə̄ gáŕ kadə̄ ni ndól̄ i mbée nəkɔ́ tá.

Mbal̄ kə́ kutə gidə i jōó gə̄ ní Eli tél rāań loo tun̄ yá̰á̰ kə́ kə rī Kɔ́ɔ̄ɓēé gogə́ rang. Gō tə́ anī əja bəlo gīrəń gidə loo tun̄ yá̰á̰ ní. Bəlo ń ni-əja ní man̄ kem səmbē bo kógə̄ḿ a aw̄ kemeé malang karī.