Popular Bible Verses from 1 KORḚNTƏ 12

Share

Ndíĺ kə́ Táĺ ɔjə rɔ̄n kə̄ ndágá kə ta kūl̄jí kógə̄ḿ kógə̄ḿ i kə yá̰á̰ kə́ ni-adə̄jí karī, yā kadə̄ rāā majə kə de gēé malang.

Sḭḭ̄ malang i rɔ̄ Kərist kə taá ō, sḭḭ̄ kógə̄ḿ kógə̄ḿ i ngán rɔ̄n gə̄ ō.

Ré ngōn̄ rɔ̄jí kógə̄ḿ i mo̰y anī, gotə rɔ̄jí malang i mo̰y ō. Ré rɔȳn̄ ngōn̄ rɔ̄jí kə́rēý anī, gotə rɔ̄jí gə̄ malang rāān̄ rɔ̄nel̄ seneé ō.

Ni-adə̄ deē kógə̄ḿ tɔ́gə kɔr̄ najə̄ kə́ kə kum kedēé ō, Ndíĺ kə́ Táĺ nəkɔ́ kə́ kal kógə̄ḿ beē ń toō adə̄ de kə́ rang tɔ́gə kɔr̄ najə̄ kə gō yá̰á̰ ń ní ger̄ kə ta kūl̄ Ndíĺ kə́ Táĺ ní ō. Ndíĺ kə́ kal kógə̄ḿ beē nəkɔ́ ń toō adə̄ deē kógə̄ḿ tɔ́gə taā kem ō, adə̄ de kə́ rang tɔ́gə kə́ yā rāań kadə̄ rɔ̄ deē ngáā ō, adə̄ de kə́ rang tɔ́gə rāā yá̰á̰ kə́ yáā gə̄ ō, adə̄ de kə́ rang tɔ́gə kəda najə̄ kə́ Nə́ɓā əndā tan tə́ ō, adə̄ de kə́ rang ɓáý to̰ tɔ́gə ger̄ gíŕ ndíĺ gə̄ ō, adə̄ de kə́ rang tɔ́gə kɔr̄ najə̄ kə ta kə́ tayā gə̄ ō, adə̄ de kə́ rang ɓáý to̰ tɔ́gə ger̄ kum ta kə́ tayā gə̄ ní ō.

I Ndíĺ kə́ kal kógə̄ḿ beē nəkɔ́ ń toō n rāā yá̰a̰ gə̄ ń toō malang ní. Ni-adə̄ de gə̄ kógə̄ḿ kógə̄ḿ yá̰á̰ kə́ tayā tayā gə̄ kə gō kem ndigə yānneé.

yā kadə̄ kēgə̄ naā gətóoń kem rɔ̄jí tə́, ba kadə̄ ngán rɔ̄jí gə̄ malang ní, o̰o̰də́ tɔdɔ̄ naā kadə̄ asə naā.

Yá̰a̰ gə̄ ń Ndíĺ kə́ Táĺ adə̄ deē karī kə gō kem ndigə yānneé ní, gíŕdə́ i ngá̰ý, ba i Ndíĺ kə́ Táĺ nəkɔ́ kə́ kal kógə̄ḿ beē ń toō n i nge kadə̄ de gə̄ ní. Loo rāā kəla gír i ngá̰ý, banī i Kɔ́ɔ̄ɓē nəkɔ́ kə́ kal kógə̄ḿ beē ń to n j-a jə-rāāī kəla yān ní. Gír kəla gə̄ i ngá̰ý, banī i Nə́ɓā kə́ kal kógə̄ḿ beē n rāādə́ malang kemjí gə̄ tə́ malang ní.

I beé n Nə́ɓā əndāń ngámbang kəla gə̄ kété kem Egəlijə tə́ ní. De gə̄ ń utə̄n̄ gōdə́ ní i ngé koō ta gə̄. Kə́ ko̰ mətá i nge ndóō de gə̄ yá̰a̰ gə̄. Gōdə́ nin̄ tə́ i ngé rāā yá̰á̰ kə́ yáā gə̄. Kutə gō anī i ngé kaw̄ kə tɔ́gə́ kə́ yā rāā kadə̄ rɔ̄ de gə̄ ngáā ō, ngé rāā kə deē madə̄də́ gēé ō, ngé kɔr no madə̄də́ gə̄ ō, ngé kɔr̄ najə̄ kə ta kə́ tayā gə̄ ō.

I ngōn̄ rɔ̄ de kə́ gíŕ kógə̄ḿ beē n i rɔ̄ deē kə taá malang ní alé. Banī i ngán rɔ̄n gə̄ kə́ gíŕdə́ i ngá̰ý n ɓoon̄ naā á télən̄ rɔ̄n ní.

Ba nge ń noō gē i karī ɓáý, tɔdɔ̄ ngán rɔ̄jí gə̄ ń jə-rāāīdə́ i ngán rɔ̄jí gə̄ kə́ nin̄-ngangə̄n̄ aĺ ngá̰ý tə́ ní, j-asiī ndi kanjə̄də́ aĺ ō

Ré rɔ̄ deē i kumən malang anī, ni a oō loo i ba̰ý? Aláa ré rɔ̄ deē i mbīn malang anī, ni a un wusə yá̰a̰ i ba̰ý? Banī Nə́ɓā əndā ngán rɔ̄jí gə̄ kógə̄ḿ kógə̄ḿ rɔ̄jí tə́ i kə gō kem ndigə yānneé. Ré rɔ̄jí malang i ngōn̄ rɔ̄jí kə́ kógə̄ḿ beē ní, rɔ̄jí kə taá malang i rá?