Popular Bible Verses from 1 YÁ̰A̰ GƏ̄ 16

Share

Ī-sāāī Kɔ́ɔ̄ɓē ō, tɔ́gən ō, ī-sāāī kadə̄ ī-ndiī ta kumən tə́ ngándáńg.

Ī-tɔ̄yī Kɔ́ɔ̄ɓē tɔdɔ̄ ni i nge kem majə ō, kem majə yān a to ngándáńg ō.

Ɔ́siī gɔn Kɔ́ɔ̄ɓē, ī-ɓāríī rīn kə ndū boó. Ə̄nīī gotə yá̰á̰ kə́ to ɓōĺ gə̄ ń ni-rāā ní dan gír de gə̄ tə́ ādə̄ oōn̄.

Sḭḭ̄ ngé sāā Kɔ́ɔ̄ɓē gə̄, ɔ́riī ta rɔ̄sí tām̄ yā rīn kə́ táĺ tə́, ādī rɔ̄sí nel̄sí.

Sḭḭ̄ ngán kaa nge kəla yān Israel gə̄, sḭḭ̄ ngán Jakob gə̄ ń ni-gə̄rāsí ní, ādə̄ əga kemsí dɔ yá̰á̰ kə́ yáā gə̄ ō, kə́ to ɓōĺ gə̄ ō ń ni-rāā tə́ ní ō, dɔ sarya gə̄ ń ni-gān̄g tə́ ō ní.

Ə̄nīī pā ō, ə́ndaī yá̰á̰ kə́ ɓār̄ gōsə̄ gə̄ ō, tām̄ yān tə́. Ə̄nīī gotə yá̰á̰ kə́ yáā gə̄ malang ń ni-rāā ní.

Tɔdɔ̄ Kɔ́ɔ̄ɓē i de kə́ bo ō, asə kadə̄ de gə̄ ɓōkə́nən̄ tɔ̄ȳ ō. Ni to ɓōĺ ngá̰ý tɔȳ nə́ɓā gə̄ malang ń i ɓesə̄ gə̄ ní.

Ī-reē ɔ́siī gɔn rīn, ī-reēī kə kadə̄ karī yāsí gēé kə̄ non tə́. Ɔ́siī nosí nang tə́ no Kɔ́ɔ̄ɓē tə́ loo ń ni ɔjə háĺ kə́ táĺ yān ní.

Loo kə́ ndə́lē pipir ō, unjə̄ kow ō, i kété non tə́. Loo ń ni-ndi tū tə́ ní tɔ́gə ō, rɔ̄nel̄ ō, i ngá̰ý tū tə́.

De kə́ dɔ nang tə́ gə̄ malang, ə̄nīī pā tām̄ yā Kɔ́ɔ̄ɓē tə́, ə́daī de gə̄ kə ndɔ̄ gə̄ na ni i nge kajə deē.

Ɔ́jiī de gə̄ malang najə̄ kɔsə gɔn yān. Yá̰á̰ kə́ to kɔr kum gə̄ ń ni-rāā ní, ɔ́jiī gír de gə̄ malang gotə.

Əda de gə̄ na: Ī-lōōī kɔdə rɔ̄ ngé gə̄ ń m-úr yibə̄ dɔdə́ tə́ ní, ī-lōōī rāā ngé koō ta yāḿ gə̄ yá̰á̰ kə́ majaĺ!

Nə́ɓā gə̄ malang yā gír de gə̄ i yá̰á̰ kə́ kanjə̄ kumən. Banī Kɔ́ɔ̄ɓē rāā dɔ rā̰.

Ādə̄ əga kemsí dɔ madə̄ naā yān tə́ ngándáńg. I najə̄ kə́ tām̄ yā de gə̄ tə́ ō, ngándə́ gə̄ tə́ ō, ngán kaadə́ gə̄ tə́ ō, bátə́ ugə̄ń dɔ ngán kaadə́ gə̄ kə́ nge ko̰ dūbú tə́.

Ādə̄ dɔ rā̰ rāā rɔ̄nel̄. Ādə̄ dɔ nang tḭ́ḭ̄ bal walya. Ə́daī dan nápar de gə̄ tə́ malang na Kɔ́ɔ̄ɓē i mban̄g.

Ādə̄ de gə̄ ɓōkə́n̄ Kɔ́ɔ̄ɓē ń i Nə́ɓā yā Israel ní tɔ̄ȳ! Ī-tɔ̄yin̄ kə kum mbang gə̄ malang! Loo ń noō tə́ ngé kán̄ naā gə̄ malang unən̄ ndūdə́ kə̄ dɔɔ́ ədanə̄ń na: Adə̄ i tītə̄ ń noō, ɔ́siī gɔn Kɔ́ɔ̄ɓē!

Gír de gə̄ kə́ kə gō ɓē gə̄ malang, ī-reē ī-rɔyī Kɔ́ɔ̄ɓē, ə́daī najə̄ kɔsə gɔn yān ō, tɔ́gə yān ō.