Popular Bible Verses from Roomawa 1

Share

N ji nta yuusẽ ɓa aɗɔ shɔ Ɗanyaruubii nwarinɛni ɓa; pɛ Ɗalapa au raashɔ sisɨn ãnɛirɛ, gaanɛ a shɔ Yahudawayi bi yɛnɛ a shɔgbeteyi ɓa Yahudawaɓa.

Ji nagbete Ɗanyaruubii ɓeli shɔ nɔgbete a Ɗalapa pɔ̃ shɔ a nyaba tɔ̃vɨn nɛ shɔ sɔ ɗɔbii: nɔgbete iyɛ ɔ̃ awuni aitette sisɨn ãnɛ yunɛ au gaanɛ yɛnɛ au yisinɛ. Nagebete Ɗa labeenɛ shayɛ nɛ,<<Shɔgbete ai kɛ pɛli vigbete Ɗalapa kasiyɛ nɛ atette sisɨn ãnɛ iyɛ ɔ̃tɔ.>>

Yunɛ aɗagbete Ɗalapa shɛshi kotipi yɛ, u vipɛlinɛ gbete shɔ zɛ ɓa piti au kaka gbete sɔ̃nyaɓa au ɔ̃nɛ Ɗalapa ni, shɔ zɛtɛtɔ wasa-wasa; shɔ ntau sẽẽ tɛtɔ a tete vigbete Ɗalapa pɛliyɛni. Aru gbetekɔ shɔzɛ nyanwanɛ wɔɔɓa gbete pɔ̃urɛ i ɔ̃ atette ruuvini ni ɓaǃ

I zɛ Ɗalapa tɛttɔ, ama iji ãu bassinɛ ɓa ko nɛyi dɔ̃riu pɛ ɓa. I sisɨn vipɛlinɛ ɔ̃tɛ wati weze, i lerinɛ sisɨn rãn ɔ̃tɛ ɓiti-ɓiti gbete pɔ̃irɛ i zɛ ɓa yɛ.

I kɔsi Ɗalapa ruu nizɛ a nya nyazɔ̃; i bassi vigbete Ɗalapa kɔriyɛ i ya Ɗalapa biba sɔ̃n tipi, shɔgbete shɔ bɛliuyɛ dangdang! Nankɔ.

Ɗalapa tasiu sisɨn gɨnvɔ̃ a kolapa ayuu ruuvini a vikɔ̃linɛ gbete shɔ pɛliyɛ au zãri shɔ tɔ̃vɨn zɛnɛ yɛ.

Aru gbete i pɛli vim, Ɗalapa ãi kɛ sisɨn kɔ̃linɛ. Ko soro kɛ jo nɔɔ sɔrɔ vigbete Ɗalapa zãri shɔ pɛlinɛ yɛ. Ji nankɔ a vɔshɔyini i yaa roonɛtɛ a soroni gbete Ɗalapa pɔ̃yɛ, i ɓasi kɛ ji ainɔɔ vɔshɔ. Vɔshɔyi pɛli viyusɛ̃ɛ̃tɛ a zɔɔni, aru nankɔ i n ti ruuyeenɛtɛ ai yuu aru vikɔ̃linɛ gbete i pɛliyɛni. Aru gbete shɔwi bẽẽ vitɔ̃vɨng pɔ̃tɔ ai sisɨn ni aru Ɗalapa ruubiini, a yasiyikɛ sisɨn kɔ̃linɛ, nɛ n ɗayi pɛlikɛ vigbete shɔ tɔnɛyi pɛli ɓayɛ.

I tɔnɛ i zɛ vitettɔ ama iji rãan weze; Naa i bassi Ɗalapayɛ, i bassi sɔ̃n laasupaa gbete shɔzɛ kɔri yɛ naa shɔzɛ ko janɔɔ ko vivaa ko vigbete ayi gɔ̃ a buru a tipi yɛ.