Popular Bible Verses from Oroma 12

Share

La lu nyama enzu lo shi yi kaa la lu wo apula mate enzu umba kwudu kwɔlɛ mo, lunyi ba la lu nyama kaa Ukpo le shi egbo ibyima yi li yi kikɔ, Akwɛyi ɛlɛ ii shi lu yitu iyi bɔkɔ Ukpo a gyi, apula iyi bɔkɔ i sheshi, i nya wu ma ba i yi yɛriri.

Kwuwo kwɔlɛ, ɛmɛnɛ mi, kwuwongu eyembembyi iyi Ukpo nzu Mii kpa yi ɛshɛku tee: la lu shi ɛnwu li kwu isabɔ ireyi la Ukpo, ɛkɛrikɛri iyi bɔkɔ i she la Ukpo. Ɛlɛ gba akwu oya igbomo la Ukpo uwu ongbulolo le.

Mu eyifulomo yi la lu yi egbo iruwu, la lu yidu mu inyashi imama yi, akwɛyi la lu lɛ Ukpo kwuyengwunanguna.

La lu nyama kaa ira li ri yi mo mo; la lu ra la iyeshi kaa lu ri ira ma le.

La lu gyesu mate ɛmɛnɛ wa mbwalu tayi, akwɛyi la lu lomo lesu.

La lu pwu idɛnyi iyi enzu mu egbo ikpɛnyi. Kiya ingyi bɔkɔ akwu ingyi ira la lu towo ngyi mo, ingyeshi ba la lu kpangyi idu.

La lu wo iyinayina mu ekpasu yi, kaa la lu yi iŋɔma iyi oloto mbala uwewe.

Ɛmɛza mi la lu wa kwusa mo, lunyi la lu lafya la Ukpo le wo le mu amba wu. Moo te gba kwokpo kwu so le tee, <<Ɔkwu a zɔ tee, kwusa iwama akwu ungwa mi, Imi mii wa kwusa.>>

La lu kiri ɛnwu mo lunyi ba la lu wo ɛduma la ekpasu yi. La lu wo fafa mu ɛduma iyi Ukpo iwomo.

Kwuwongwu esheshi iyi bɔkɔ Ukpo e shi mi, Mii za la uwewe meka yi tee: onzu le to ɛnwu tee a ka iyi bɔkɔ ishoshi te le yi ma mo. Uŋɔ ba kwu onzu U byegbo ɔnyɛnyɛ, li zɛ kyakya mbala ikwu idu fulo iyi bɔkɔ Ukpo e shi ŋɔ.

La lu gba la kwusa lu wa ungwu ira iyi bɔkɔ onzu e wo yi mo. Iyi bɔkɔ akwu iyeshi mu eyi iyi enzu gba la lu gyakpɔɔ mu iwomo le.

La lu ŋɔ moloto mbala uwewe. La lu fulo ɛyi mu kadu mo, lunyi ba la lu ri imɛza mbala umba bɔkɔ akwu kiya mo awu. La lu to ɛyi tee lu kwu umba amasa mo.

Lunyi ba la lu wo ɛlɛ, mate bɔkɔ kwokpo kwu zɔ tee: Gba ogewa ŋa e ye la lonzu, shi wu kiya le ri; gba e yi ugbembyi, shi wu embyi le wo; mu iwomo ŋɔ ɛlɛ ŋɔɔ shi lovya lu ngbɛ wu ma.>>

Enzu umba o lo yi inyashi la lu ta mba kenzu ungeshi, la lu ta mba kenzu ungeshi la lu ta mba ungira mo. La lu mwɔnyɛ mbala enzu umba bɔkɔ o yi ɔnyɛ, la lu lo oga mbala umba bɔkɔ o yi mu oga ilomo.

La lu mbwama la wa mbwalu umba bɔkɔ o yi igɔ, agboga ba la lu na mba mu agba yi.

Kinzu ki yi asanga iyi ɛnwu riba mu ɛnwu ikpɛnyi, asanga ɛlɛ lɛɛbi i yi ɛduma ikikɔ ikɔkɔ. Tatayi gba i yi le, mate bɔkɔ ki yi riba awu, kwuwongu Okrasi kinzu ki kwu ɛnwu ikpɛnyi, akwɛyi kinzu ki kwu umbesu lɛɛbi.