Popular Bible Verses from Ɔzhɔnu 11

Share

Akwɛyi Ɔzhizɔsi a za wu tee, <<Imi gba mii gba lakwunyɔ mii shi enzu le, imi gba mi kwu kwunyɔ le. Onzu uwu e kwu idu lu fulo mami, gba e kpomo lala aa gba e yi kwunyɔ; onzu uwunawuna uwu bɔkɔ luzɛ wu akwu undu ikwu idu lu fulo ba a nyama la mi ee kpomo gbee mo. Uŋɔ ŋɔ nyama mu iso mi ɛlɛ?>>

Ɔzhizɔsi a za wu tee, <<Mi za ŋa tee, akwiyi gba ŋɔ kwu idu lu fulo, ŋɔ ma inzumbɛku iyi Ukpo mo re?

Ɔzhizɔsi e loga.

Tabɔkɔ Ɔzhizɔsi a pwa ɛlɛ, akwɛyi a zɔ tee, <<Imbwama iyi ofya mbwɔlɛ akwu lukwu undu Ɔlazarɔ mo; ɛlɛ i wo le kaa Ukpo la fya inzumbɛku le, akwɛyi aakwu ɔgwuzɛ uwu bɔkɔ Umɛ uwu Ukpo aa fya inzumbɛku le.>>

Tabɔkɔ a mbwa ɛlɛ isomo, Ɔzhizɔsi e to opwu uwɔkwuu a zɔ tee, <<Ɔlazarɔ, wɔ kwudu!>> Akwɛyi onzu uwu e kpomo le a wɔ kwudu, ewo mbala alɛ wu o wu yi mo mu okpayi uwu ukpɛzhi mbala ureyi wu. Ɔzhizɔsi a za mba tee, <<La lu vuvu ekpayi ɛnyi ma kaa le sheyimo.>>

Ɔzhizɔsi a gba e wo ubugyi mu kwundu kpɔ, akwɛyi a ka mbaa Ogariwu. Ogariwu awu akwu kwofyo, akwɛyi o kpo kwoki ungufo mu kenzu ngwu.

Tabɔkɔ Ɔzhizɔsi a mbwa ɛlɛ isomo, akwɛyi a gba a za mba tee, <<Umɛza nzu Ɔlazarɔ e kpondo, Imi ba mi ri mi bi nyi wu eyimo.>>