Popular Bible Verses from Ergameeyyetixxa Huje 2

Share

Pheexiroosinna hiyyee qici, «Aadde aage, cubbo ha'noxxinna gattowwaali hiyyendaashsha mitti mitti ha'nongi Yessuusi Kiristoosike summinni Xamaqemme! Mageniixe uwwa kadeeka Woyyichcha Hafuuranna adhdhitinaani.

Insa'nenna ergameeyyetixxe barachchiisa baranta'ni, dayyummati mitteba he'naa'ni, itatanna mitteba indaa'nee, soodachchote'n jabaanta'neemman.

Insa'ne duuchchiingi Woyyichchi Hafuurinni wo'mi'ne; Woyyichchi Hafuuri haasonaashsha insa'ne'a uwwemma qicinni wele laagaduwwinni haaso'ate'n ke'ne.

Dedhange'n jabaaxxe diidaloke luuljo fakkaataaki luulji iimi'n dageexxi ofolemmake mine duuchcha'n wo'me. Ookkonneechchinni uduma giiratike bubenjo fakkaataak arrabuwwi insa'ne'n leelle; qoqqodemeexxinna insa'nee mitte mittingi hana ofo'le. Insa'ne duuchchiingi Woyyichchi Hafuurinni wo'mi'ne; Woyyichchi Hafuuri haasonaashsha insa'ne'a uwwemma qicinni wele laagaduwwinni haaso'ate'n ke'ne.

Barra barrande'ni woyyichchi galmi giddo mitteba bukki hinnaa'n mine mine insa'neeke'ni gammashshotinna gugurto afebaaxxe qalbenni itta inda'nemman. Magenokanna saanda'nemman manni duuchchinna insa'nee ulfeesa'nemmani; Goottikinna barra barrande'ni anjirememmak manna insa'ne'ni leba'nemani.

« ‹Mageni udumixxe barra'ni kaddaan hiyya'nee qici, Hafuura anka manjo duuchcha'ni dunannon. Ha'noxxi labbaxxinna meyyaxxi oose raaga haasotaan. Ha'noxxi dargaggeeyye edi'a kaddaaxxa waleella uuddaan, ha'nook geedhe oojjo oojjotaan.

Amaneeki duuchchi mittummaati mitteba hedha'nemmaan; anfeexxi yaane duuchcha mittummatixxemman. Boguwwakanna karruwa insa'neexxa gurgurra'ni maalaqa ookkonee mitte mittengee hasee qicika qoonda'neemman.

Goottiinka summa ye'aaki duuchchi kinni anjiremaan.› »

Lumoxxi ulfeessendeexxi Goottiinxi barra dagebaa edidarre arishsho dukkandaan: agenjikinna mundetishsha diimmataan.