Popular Bible Verses from Ergameeyyetixxa Huje 1

Share

Yaane kinni Woyyichchi Hafuuri ha'no'n dirraa wodda hunna adhdhitinaan; eettne yanna Iyyerusaalemi'n Yihudake boga duuchcha'n Semaariya'ninna buttatixxe gabala duuchcha'n dhugaa kula anxe kaddinaan» hiyye.

Yessuusinna insa'ne'ni hiyyeexxi hiissee qici, «Anni baallooma ifikenni mureexxa yannanna baro egendino'a ha'no'a uwwendeba'an.

Insa'nenni welti hedhemma wodda hiyyeexxi insa'nee ajajee qici, «Ani kule'naa laqinemmaxxa Annakenaa'ni uwwendeexxa addachchiisa adhdhitinaa qico heqqedhdhe malee Iyyerusaaleminaa'n fuldinoqqe'e. Yohaannisi wode'eke'n ha'noo xammaqeen; yaane kinni shiixoxxe barra uduma Woyyichchi Hafuurinni xammaqendinaan» hiyye.

Isi heddo rakko adhdhe reye ke'eechchi uduma hedhotike kadeexxa heddo orinni insa'ne'n kokeesse; shoole tomme barra duuchcha insa'ne'n leella'n Mageniixxa mootummaxxee insa'nee barachchiise.

Tenne hiyyeechchi uduma insa'ne uunda'naanni iimi'a adhdheme; duumanchikinna ille insa'nexxenaa'ni isoo sho'e.

Isi iimi'a adhdhemee wodda insa'nee iimi'a dhaphphi hine unda'neegge'ni golalamma seemma oddo'weeke lami manni insa'ne bira uurreexxi, Insa'nee, «Ha'no Geliilake mannaa iimi'a uudina'n mayeete uurritine'neek? Kunni uudina'naa iimi'a adhdheemeek Yessuusi iimi'a adhdhemena'a uudinemma qicinninni iittan illee iima higee dagaan.»