Popular Bible Verses from Apocalipsis 22

Share

Jaỹim 'me na'chaỹim se'uáichiiñi, qataxa sep'áteegue, na'chaỹim lamo qataxa jaỹim loiquiaqa' ỹimaquéna, sená'am ga' 'uáichiiñi jena' leetrapi qataxa ga' p'áteegue.

Qana'chi so' Jesús 'enaac: —Já'a, jaỹim sa ñiỹáloxoden da' ñanac. Ñachítac ga' ỹiseeténataxanaxat, da' qaidi seseeten ñi' 'oonolec ga' l'onataxanaxac.

Jeso'me Espíritu Santo qataxa jaso' sétaaque da' loua so' n'aanaxate c'óxot 'enaac: —Ỹa 'auanac. Jega'me demachíỹa dójo' n'aqtac nataq'en n'óota da' 'enaac: —'Auanac. Jega'me ỹileem da' láquip lamaic, qataxa sétaaque da' niỹom, n'óota da' janac, qana'chi niỹómỹi ga' noxop 'me chiỹaqaỹi da' nec'alaxa. Jega'me 'chi qoỹanem.

Ỹátaqta mátapiỹe't qomle ga' ỹiỹoi' gaua' louo, qaidi ỹañoxot da' neuána'uo jaga' 'ipaq 'me chiỹaqaỹi da' nec'alaxa, qataxa qaidi ỹañoxot da' ỹinoxonoo'uet ñi' som di' noic let'ádaic.

Qana'chi so' Jesús 'enaac: —¡Sa ñiỹáloxoden da' ñanac! ¡Ỹátaqta mátac qomle ga' ỹalaxalégue dójo' l'aqtaxanaxac ñi' qan'étoqo't 'me nedetalégue jánjo' nede!

Huá'a, qana'chi qaỹa 'te pí'ỹaq. Jen'me néta'ña jidi'me sa 'te ỹiuen ga' l'edáxa jaga' coỹadáxanaqte qataxa jen' l'edáxa jaso' c'atena, qá'a jiñi'me qan'étoqo't 'me qadasoxola' ỹicoỹadetalégue. Qana'chi jen'me qaỹa 'te ga' loiquiaqa' naua' noloqo'te da' net'alpi.

Jeso'me 'me ỹ'axátetac dójo' 'enaac: —Já'a, jaỹim sa ñiỹáloxoden da' ñanac. Já'a, na'chi naq'áita dójo'. ¡Ỹa 'auanac, 'am qadesaliaxanec Jesús! Jeso'me qadesaliaxanec Jesucristo ỹanem qomle ỹima da' 'oñíita ga' 'anchoxodénataguiquii. Já'a, na'chi naq'áita dójo'.

Ỹima qomle na' demachíỹa dójo' l'aqtaxanaxac ñi' Dios 'me nedetalégue jánjo' nede, jaỹim saqáta jen'me, seet'oi: Da' 'uo ga' 'chi noqotetenéegue jen'me ga' sa lasoxoc, qana'chi jega'me ỹágueegue da' ỹi'uaxanque ñi' qan'étoqo't naua' napite'nádi 'me nedetalóo'te jánjo' nede. Qataxa da' 'uo ga' naqat ga' 'oonolec jen'me l'aqtaxanaxacpi ñi' qan'étoqo't 'me nedetalégue jánjo' nede, qana'chi jiñi'me naqatéegue jega'me ga' lenaxat jaso' nedáxalate jen'me qonec'alaxatéegue qataxa jidi'me noic 'me ỹátaqta ỹoqovíta, jen'me qoỹidetalégue jánjo' nede.