Popular Bible Verses from Apocalipsis 20

Share

Qana'chi jeso'me qoỹasaxánỹi jen'me sa qoỹidé'uo jaso' nedáxalate jen' qonec'alaxatéegue.

Qana'chi jen' napa'lpi let'ádaicpi qataxa jen'me sa léca nichaatétañi dasot'ot ñi' Dios. Huá'a, qana'chi qoỹ'ouáchiilo saua' nedel qataxa jaso' nede laqáỹa 'me nedáxalate jen'me qonec'alaxatéegue. Qana'chi jen' napa'lpi qonimit ñi' 'oonolec jen' ỹí'etpi 'me qoỹidetalóo'te saua' nedel, da' qaidi qoỹiseeten.

Qana'chi jaso' huaxai ỹaneuo jen' napa'lpi 'me huétanỹi. Qataxa so' neleuaxa qataxa so' lapónaqa' na' napa'lpi, jesaa'me ỹaadéuo jen'me huet'oto. Qana'chi ỹima jeso'me napa'lpi qonimit ñi' 'oonolec jen' l'onatacpi, da' qaidi qoỹiseeten. Ỹim, qana'chi so' neleuaxa qataxa jeso'me lapónaqa' jen' napa'lpi, jesaa'me qoỹasaxádinỹi so' dóle' let'ádaic. Jesójo' dóle' let'ádaic, jeso'me naqaiso so' niỹaqa'aguet neleuaxa.

Qana'chi selá'a jaso' s'ónaxaqui lat'édai pagaxai qataxa jeso'me nétanỹi jaso'me. Huá'a, qana'chi jen' 'aléua qataxa di' piỹem ỹátaqta nelágaxataac, ỹátaqta qaỹa 'te ga' ỹaqápega jen'me.

Qomle ỹinoxodéegue gaua' mil 'uóidi, qana'chi so' Satanás 'me qadó'o ỹitaxa qoỹisóiỹi. Qana'chi nenoxooséguem da' ỹitaxa ỹoqovin ỹima jen'me ỹodapecachi siỹaxadipi 'me huetalégue jen' 'aléua. Qana'chi ỹic'áta da' ỹoqovin ñi' Gog qataxa ñi' Magog. Qana'chi ỹimata'a't jen' nesoxonaqapi jesaa'me, da' qaidi delóiqui'. Jen'me sa lec'óxotolec, 'ená'am jen' pogaxanaxa 'me huéta'ña na' loxogue jan' huaxai.