Popular Bible Verses from 1 Pedro 4

Share

Qaláxasa ỹátaqta ỹágueegue qomle 'aviñii da' jalcote da' 'adsóxodiquii, qá'a da' nauochidíỹaxac ỹ'éte'uo da' ỹátaqta jalcote na' janoicpi qoỹapalaxat.

Qataxa ñi' 'oonolec ỹátaqta ỹilot'eguet ga' nesetaxat 'me ỹanem ñi' Dios da' d'onataxaalégue jen' laỹipi, 'oñí'ỹam ga' ỹátaqta ỹaỹáten da' ỹilo'ogue jen' ỹodapecachi lachítaqtaxanaxatpi ñi'me Dios.

Da' 'uo ga' qoỹanem da' d'aqtaxan, qaa'le naua' l'aqtaqa ỹátaqta naqainaua naua' l'aqtaqa ñi' Dios. Qataxa ga' qoỹanem da' l'onataxanaxac, qaa'le naqaida da' l'añaxac 'me ỹanem ñi' Dios. Ỹima jen' qoỹacoolégue da' qoỹí'et jen'me náỹi da' qaidi qoỹi'ỹoxoden ñi'me Dios, chiỹoqóchiỹi so' Jesucristo. Jeso'me 'me lalémaxaset da' li'ỹoxodic qataxa da' l'añaxac 'me qaỹa 'te ga' loiquiaqa'. Já'a, na'chi naq'áita dójo'.

Qaláxasa ga' 'uo da' ne'queténaxac ỹasouaxat da' quétapegue' so' Cristo, n'óota jega'me da' sa nepecoq. Na'chidáta da' ỹi'ỹoxoden ñi'me Dios, ỹasouaxat da' 'equegue so'me.

Ma'le nadíit'a da' loiquiaqa' ỹimaquéna. Chan'eesa ỹátaqta 'anlóiteegue qomle, qataxa ỹátaqta sa 'au'aidíñii da' 'antamnaxaquii.

'Ami ỹaqai'ỹolqa, sa 'te qomle da' 'adoual'ỹaguet na' sa p'áteta 'anapiinaguiquii 'me 'ami nivitalo da' 'ená'am da' 'uootaxa 'ami huañiilo ga'me p'asáiỹi sa qoỹauanápiỹi. Na'chidato' qomle da' ỹátaqta 'au'amaqchíñii da' 'ami 'aneuáñiỹa'uo jen' ne'queténaxacpi so' Cristo, qaidi ỹátaqta 'ami saqachiilo da' 'antónaxaquii qomle 'aulói'ỹa da' li'ỹoxodic qomle ỹivíta da' n'iỹílaq jeso'me.

Qataxa ñi' 'oonolec da' 'oñíita ỹátaqta ỹilo'oguet ga' laqáỹa da' namaxasoxoic, qataxa sa quetapeelégue.

Chan'eesa ga' mai'chi chiỹaqaỹi ñi' Dios da' 'uo qa'en da' ne'queténaxac, n'óota da' jega'me quet'ot da' ỹ'étetac ga' ỹiỹamqáchiiñi. Na'chidáta da' ỹip'axan'ot ñi' Dios da' l'óiỹaxac 'me mai'chi l'onatac, qá'a jiñi'me ỹátaqta ỹipaquetelégue ga' 'enaac.

Chan'eesa dójo' 'éeta so' Cristo 'uo da' ne'queténaxac da' ló'oquiaxac, 'ami nataq'en qaỹa 'te 'uo ga' 'aviquíitapega da' 'an'queténaxaquii. Qá'a jega'me 'uo da' ne'queténaxac da' ló'oquiaxac, jega'me cá'ai da' n'etaxalóxo, da' qaidi jega'me taiỹi da' 'ad'óiỹaxaquii, 'anchaachíitaỹi qomle ga' 'éetapeec ñi'me Dios, qana'chi sa 'av'íchii ga' sa nó'in 'éetapeec da' 'adapáchiỹaxaquii.

Da' 'uootaxa 'ami qoỹisoueet'ape ỹasouaxat so' Cristo, qaa'le ỹátaqta 'ami madet'ape, qá'a jeso'me qaỹa 'te ga' 'ená'am da' li'ỹoxodic lepaqal ñi' Dios 'ami huetaavlo. Jen' siỹaxadipi ỹátaqta sa ỹodiáquenaac da' detaxaỹá'a so' Cristo, qaláxasa 'ami ỹátaqta 'avi'ỹoxodíñii jeso'me.