Popular Bible Verses from 1 Pedro 3

Share

Na'chidáta da' ỹi'ỹoxoden ỹima jan' 'adiquidiaqchii so' Cristo 'me 'adesaliaxanquii. Qataxa 'ami leuótete' da' 'au'aqtaxañim ỹima jega'me denataxáatapeec da' 'adip'iỹáxaquii, qaláxasa sa 'ami pagaqtenaxaiqa, qataxa 'uo da' 'enec 'aviñii ga' siỹaxaua. Qataxa ỹátaqta 'an'onaxachiila't, qaidi da' 'adavílỹaxaquii ỹátaqta máchiiñi, qaidi jen'me sa ỹodiáquenaac da' detaxaỹá'a da' 'ónaxaic 'adasoxoquii, ỹasouaxat da' 'au'amaqchíñii so' Cristo, jen'me mai'chi nepecoq ỹasouaxat naua' mai'chi l'aqtaqa.

Qá'a ñi' qadasoxola' Dios ỹátaqta netelá'a jega'me ỹ'étetac ga' ỹiỹamqáchiiñi, qataxa demachíỹa da' netamnaxac, qaláxasa jiñi'me sa ỹiuoten ga'me ỹ'étetac ga' sa nó'in.

Qataxa da' n'étaxac jañi' 'oonole 'ena'to' qomle da' na'chida da' ni'ỹoxodínỹi da' napicten, 'uootaxa da' ỹaañi ga' 'étaxat oro 'uootaxa p'asáiỹi qa'en da' lodiac jaga' neuoxoi. Na'chidato' da' ỹaañi ga' sa di'ỹoq 'étaxat 'me qaỹa 'te loiquiaqa' da' lodiac. Huesóta qa'en da' lasoxoc qataxa qaỹa gamachaqaiga. Naqaida 'me ỹátaqta 'uo da' 'enec qa'en ñi' Dios.

Qá'a naua' nidii's n'aqtaqa 'eet'oi: Ga' sétaaque da' ỹauotec da' n'óiỹaxac qataxa máchiiñi ỹiméda naua' noloqo'te 'me huetaavlo, n'óota qomle da' netelá'a ñi' lacháxat, da' qaidi sa necosai'ỹi ga' sa nó'in, qataxa na' nedégaxat sa nái'ỹa qa'en ga' noqovínaxanaxac. Qataxa n'óota da' ỹaxáatac ga' sa nó'in. Nedot'a't da' ỹí'et ga' ỹiỹamqáchiiñi, qataxa nimitáaque ga' n'emáxac, qana'chi naqaiga 'equegue.

Chan'eesa ỹiuen da' ỹima da' 'oñíita ỹátaqta 'oonolec da' 'adeenataxaquii, qataxa 'auchoxodíñii ga' 'uo ga' huápiỹi 'adaqaỹai. Ñi' 'oonolec ỹátaqta ỹauotec ga' laqáỹa, 'ená'am qa'en ga' lanogaxaua. Qataxa ỹátaqta 'ami choxodénataxanaxaiqa, qataxa sa 'ami nagaqtenaxaiqa. Qataxa 'ená'te 'av'iỹílaxachii'ỹaguet ga' sa nó'in, qataxa ga' 'ansouenaguiquii. Na'chidáta da' 'auañimii ga' 'ónaxaic ga' siỹaxaua, qá'a ñi'me Dios 'ami ỹiỹaxanalo tetoqo' 'auacoñiiỹet da' lichoxodénataxanaxac.

Chan'eesa ¿jái'chogamaxa ỹañoxot da' 'ami ỹ'eteque ga' sa ỹiỹamaxañi, da' 'uootaxa na'chi 'eeta't da' 'av'íchiitac ga' n'óota?

Qataxa n'óota da' ỹaxáatac ga' sa nó'in. Nedot'a't da' ỹí'et ga' ỹiỹamqáchiiñi, qataxa nimitáaque ga' n'emáxac, qana'chi naqaiga 'equegue.

Qá'a n'óota da' 'ami 'an'quichíñii ỹasouaxat da' 'av'íchiitac da' 'ónaxaic, da' 'uootaxa ỹiỹamaxaden ñi'me Dios. Sa 'ená'am da' qoỹ'étetac ga' sa nó'in.