Popular Bible Verses from Аввакум 1

Share

«Чоннарда чүү болуп турарын топтап көрүңер – кайгап-харай бээр силер. Чүге дээрге улустан дыңнааш-даа, бүзүревейн баар чүүлүңер чурттап чоруур үеңерде бүде бээр.

Дээрги-Чаяакчы! Чежеге дээр дуза дилеп кыйгырар мен, а Сен мени дыңнавас-тыр сен, чежеге дээр күчүлел дээш хомудап, Сени кыйгырар мен, а Сен мени камгалавас-тыр сен.

Кемниг үүлгедиглерже көөр кылдыр чүге мени албадаар сен? Базындырыышкынче чүге анаа көрүп турар сен? Үптээшкин биле күчүлелди көрүп тур мен, адаан-өжээн көдүрлүп, алгыш-кырыш кедереп тур.

Ол бүгүнүң уржуу-биле хоойлу-даа күжүн чидирген, шын шииткел-даа шуут үндүрбестээн: бузуттуглар чөптүг-шынныг улусту бүзээлеп алган болгаш, хажыткан шииткел үндүрер-дир.