Аввакум 1
1
1 # Наум 1:1Бурганның Аввакум медээчиге ажытканы өттүр билиишкин бо-дур.
Аввакумнуң Бургандан бирги айтырыы
2 # Ыд. ыр. 12:1; 88:47 || Иов 24:12Дээрги-Чаяакчы! Чежеге дээр дуза дилеп кыйгырар мен, а Сен мени дыңнавас-тыр сен, чежеге дээр күчүлел дээш хомудап, Сени кыйгырар мен, а Сен мени камгалавас-тыр сен. 3Кемниг үүлгедиглерже көөр кылдыр чүге мени албадаар сен? Базындырыышкынче чүге анаа көрүп турар сен? Үптээшкин биле күчүлелди көрүп тур мен, адаан-өжээн көдүрлүп, алгыш-кырыш кедереп тур. 4# Мих. 7:3Ол бүгүнүң уржуу-биле хоойлу-даа күжүн чидирген, шын шииткел-даа шуут үндүрбестээн: бузуттуглар чөптүг-шынныг улусту бүзээлеп алган болгаш, хажыткан шииткел үндүрер-дир.
Бурганның харыызы
5 # Аж.-ч. 13:41«Чоннарда чүү болуп турарын топтап көрүңер – кайгап-харай бээр силер. Чүге дээрге улустан дыңнааш-даа, бүзүревейн баар чүүлүңер чурттап чоруур үеңерде бүде бээр. 6# Иер. 5:15-17; Иез. 28:7; 31:12Көрүңер даан! Мен ам халдей чонну күштелдирер мен; ол дээрге бодунга хамаарышпас хоорай-суурларны эжелеп алыр дээш чер-делегей кезип чоруур, каржы-хажагай, хайжок чон болгай. 7Ол чон коргунчуг-даа, түрлүг-даа. Шииткел ол чондан үнер, күчү-күш-даа ооң холунда. 8# Иер. 4:13 || Ы. х. к. 28:49Ооң аъттары ирбиштен-даа дүрген маңнаар, кежээ чимзенген бөрүлерден-даа шалыпкын; ооң аъттыг шерии халдып чоруп турар, аъттыг шеригжилери ырактан хөме келгеш, олчазын тевер дээн эзир дег шүүргедээр. 9Ол чоннуң шупту улузу күчүлел эккээр, ооң арын-шырайы өрттендир изидер хат дег#1:9 Бо домактың утказы эки билдинмес. Болгу дег өске утказы мындыг: «Ооң карактары бурунгаар көрүнген»., ол чон элезин дег хөй улусту тудуп алгаш баар. 10Ол чон өске чоннарның хааннарын дорамчылаар, баштыңнарын кочулаар, шупту шивээлерже шоодуп көөр – бүзээлел чалды оларга деңнештир оваалааш, ол шивээлерни эжелеп аар. 11Оон ол чон хат ышкаш ужугуп, оруун уламчылаар. Шак ол бачыттыг улус бодунуң күжүн бурганчыдып турар#1:11 Азы: «Ынчан ооң туразы улгадып, калчаарап чоруп бээр, ол бодунуң күчү-күжүн бурганчыдар».».
Аввакумнуң Бургандан ийиги айтырыы
12 # Ы. х. к. 33:27; Ыд. ыр. 89:3; 92:2 || Иса. 10:5-6Дээрги-Чаяакчы, ыдыктыг Бурганым, үе-дүптен бээр бар турган эвес ийик сен бе?! Сен өлбес сен!#1:12 Өске бурунгу сөзүглелде «Бис өлбес бис!» деп бижээн. Дээрги-Чаяакчы, Сен ол чонну шииткелиңни боттандырар кылдыр тургузуп кагдың. Мээң Хаям, Сен аңаа кеземчеңни күүседирин дагзып кагдың. 13# Ыд. ыр. 34:17 || Иов 12:6; Иер. 12:1Сээң арыг карактарыңга кемниг үүлгедиглерже көөрү таарышпас, улустуң базындырыышкынынче анаа көрүп шыдавас сен. А чүге-ле кара сагыштыг улусче анаа көрүп турар сен, бодундан чөптүг-шынныг кижини бузуттуг кижи сыыра бээрге, чүге ыыт чок хайгаарап турар сен? 14Чүге-ле Сен кижилерни далайның балыы дег, баштыңы чок соястаар амытаннар дег кылдыр кылып каан сен? 15# 4 Хаан. 19:28; Ам. 4:2 || Иер. 16:16Ол улусту шуптузун бузуттуг дайзын сыырткыыш-биле ушта тыртып, балык тудар четки-биле шүүреп ап турар, ынчангаш өөрүп-байырлаар. 16Четкилери аңаа бай-шыырак чурттап, эки-чаагай аъш-чем чиир арга бээр боорга, ол дайзын четкизинге өргүл салып, айдызап турар-дыр! 17Таанда-ла ол олчалыг четкизин божудуп, чоннарны хайыра чогу-биле үргүлчү узуткаар ужурлуг бе?
Currently Selected:
Аввакум 1: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
