Popular Bible Verses from Mark 11

Share

Natafito ia atamai nei, kuou e faka ari kia kotou: Vasia kotou e rotu ma e kaaisi pe ki sea, fakatonu ko kotou ka soria mai, ma ka sori atu pe nia motou e kaaisi kiei.

Kuou e faka ari atu kia kotou te maori: Pe koai ka muna ki te maunga nei, ‘Tokai ki runga o pee maso kee ki te moana,’ kae koia see faka tuka tuka i na fatu manava, kae fakatonu pe nia ma ana e muna ka faka saa, ka fai kiei.

Mae vasia kotou e turaki o rotu iei, faka ngaromia mua pe koai ne fai pariki mai kia kee, tera totou Mmana i te vaerangi ka nai faka ngaromia otou sara ne fai.

Tongoi atu rei ko Jesus kia ratou, “Kotou fakatonu ki Tupua.

Tera koia ne nai ako ria raa ko te kano fenua, “E tusia ria i te Pepa Tapu: ‘Toku paito ka ati te paito rotu o nga turaurau katoa,’ “kae kotou ne furi saki ea kotou ma faka leku otou kaiaa ranga.”

Te kano fenua koai ma e mua, ma koai ma e faka muri muri atu, e fakatafito o foorua, “Rausapaia ki Tupua! Tupua ke nai fakatapu ria koia e au i te ingoa o te Ariki Tapu!

Tupua ke nai fakatapu ria te au ranga o te kainanga o tatou puna o David! Rausapaia ki Tupua i na maurunga anga!”