Popular Bible Verses from Mark 10

Share

Natafito te Tama a Tangata koia si se ne au ke seka ake kia koia, kae koia ne au ke fai fekau ma ke sori na ora ke faka sao mai te kano fenua tokarava.”

Ono atu rei ko Jesus kia ratou, kae tongoi atu rei, “Teinei e faingataa ki nga taangata, kae siei ki Tupua; a nea kaatoa e faingaofia ki Tupua.”

Muna atu rei ko Jesus kiei, “Poi, tau fakatonu ku nai faia ko kee ke pula!” I mo vakanga koia ku ma pula, ma ne tautari arei kia Jesus i te ara.

“Tera siei se tangata ke nai vaea kese ki tua pe nia ma Tupua ne faka tutaki.”

Tera ono tonu atu rei ko Jesus kia koia ma te fakapere, ma e muna, “Ko kee e tee ke fai te nea sokotasi fuarei: Poi o fai tauvi kaatoa rei ko ou kope kopenga, ta sori rei koa mane ki te faka arofa, ta ko kee ka fai tou taufenua i te vaerangi. Tera au raa o tautari mai kia kuou.”

Ta fesiri atu rei ko Jesus kiei, “A nia ma au e fifia kia kuou ke fai atu kia kee?” Tongoi atu rei te tangata mata ufu, “Te fakaako ee, kuou e fifia ke kau pula fokia.”

Kae a fai tukunga nei si see fetau fangatasi ke naa i otou vasia i roto. Kae pe koai ia kotou e fifia koia ke sapa, koia fetau fangatasi rei ke fai fekau motou.

Kuou e faka ari atu kia kotou te maori: Pe koai ka se nai saua ko te Kainanga o Tupua pe te punai tama riki riki, ka se nai urufia ina.”

Kae e tokkapi rei koai ma i vasia nei e mua, ka faka muri muri; ma e tokkapi rei koai ma i vasia nei e faka muri muri, ka mua.”

Kae i te fakatafito ranga i te vasia o te faka tupu ranga: ‘Tupua ne fai ko te tangata ma te fafine. Natafito ia atamai nei, te tangata ka tuku ko na mmana ma na nana, ka e soko ki na nofine, tera koraua ka see fare e toka rua, kae ka sokotasi.’