Popular Bible Verses from Kufuma 8

Share

Banghanga bakua Farao ni bo mu bunghanga bwabo baeziizie kukita evio, inzi lolo lwendo lwene ba-andilue. Ni pakako, nda yaakupile ku bonse, muntu ni nama. Banghanga baamwanine Farao nangue, “Maka akua Leza i akita evi.” Inzi Farao waafiniizie mutima wakue, kabili taabatwiliziizie nga mwaalandiile Yawe.

Kabili Yawe waamwanine Musa nangue, “Endo umwane Farao nangue Yawe walanda evi, ‘Baleke bantu bane baye, evi bakabe kun'mpupa.

Inzi Farao lu-aamwene nangue bapeemako, kabili waafiniizie mutima wakue ni kukaana kutwilizia kuli Musa ni Haruni nga mwaalandiile Yawe.

Kine ulikukaana, ndikukanda kyalo kyobe kyonse na kwizuziamo byula.

Yawe i lu-aamwanine Musa nangue, “Mwane Haruni aolole kabango kakue aume pa lufunko, ni lo lwaluke nda mwaya kyalo kya Misri.”

Ni Yawe waakitile mu-aalandiile. Bisepe bikata bya balunzi byaazoomokeele mu nghanda yakua Farao, pamo ni mu nghanda ya babombi bakue. Kyalo kyonse kya Misri kyainoonekele na bisepe bya balunzi.