Popular Bible Verses from Марк 6

Share

Ул аларга: – Ә хәзер берәр аулак урынга барып ял итеп алыйк, – диде. Чынлап та, кешеләр бер-бер артлы яннарына килеп торганга, аларның хәтта ашап алырга да вакытлары калмый иде.

– Пәйгамбәр кайда да хөрмәттә, тик үз илендә, туганнары арасында һәм үз өендә генә кадер юк аңа, – диде аларга Гайсә.

Ярга чыккач, Гайсә шактый зур халык төркемен күрде һәм аларны бик кызганды, чөнки алар көтүчесез калган сарыклар кебек иде. Ул аларны күп нәрсәләргә өйрәтә башлады.

Шуңа күрә Ул анда һичнинди кодрәтле эш кыла алмады, куллары белән орынып берничә авыру кешене генә савыктырды. Аларның ышанмаулары Гайсәне гаҗәпкә калдырды. Гайсә, әйләнә-тирәдәге авылларда йөреп, халыкны өйрәтүен дәвам итте.

Гайсә биш икмәк белән ике балыкны алды да күккә карап шөкрана кылды, аннары, икмәкне сындыргалап, халыкка өләшер өчен шәкертләренә бирде. Ике балыкны да Ул бөтенесенә бүлеп бирде. Һәммәсе туйганчы ашады; әле шуннан соң да икмәк һәм балык сыныклары белән унике кәрзин тулды.