Popular Bible Verses from Matius 9

Share

Bil nak Yèsus nachal ma mèn hèhoh Eh, “Umnak gerèk nègtòg èn selay rik ibuk geb, tapik tèk-tik tok benègtòg. Tapik sènꞌòy rik kerèꞌjak untok mukod hasil nak amès hék. Sebab nak bepèꞌtak lah ma Tuhan namtèrꞌèn sènꞌòy untok mukod hasil nak, sebab kenèmbek nègtòg nak milik Eh.”

Wèk lah puꞌdoh bok belajar maksod ayad Kitab nak, bil Allah nachal: ‘Yék tok ichèn jenamuk nyob hék, tapik ichèn nyob nyomkalõn ma sènꞌòy mòy.’ Dak Yék ilãj kedak imkèw-kòw ma sènꞌòy rik umbèdlod rik umnak kemën, tapik ilãj imkòw ma sènꞌòy rik umbedose.”

Bil Yèsus nanéh ma sènꞌòy jajéh, Nanak nakalõn ma umnak, sebab umnak umꞌèd-id bok umperlu tenulong, gerèk kambikh biri rik tok mèk-mok sènꞌòy namjagak.

Yèsus nakeyòkh ma tenanyak umnak, dak Nanak nasaꞌod, “Sènꞌòy rik tok jèk-jik nahey namꞌèn ma dukteh? Had sènꞌòy rik umjèk-jik hék bok umꞌèn ma dukteh.

Yèsus nachèb-chib ma lok-lok tèk dak nagagoh ma kenèmbek kote ròb kampong èn belah nak. Nanak nabetènglèkh èn dékh senindol umnak dak naterèylòy Gah Méj tentang Kerajaꞌan Allah. Dak Nanak keꞌjèk natèrhakh ma sènꞌòy nòm kenèmbek jenis chenèk um.