Popular Bible Verses from Matius 10

Share

Yèsus nachal, “Keyòkh lah! Yék itèrꞌèn nyob ma sènꞌòy rik jèdhad, gerèk kambikh biri rik umchèb-chib èn gagid chuwòk mènghòng. Jadik nyob haros lah chèrdìk, bok haros lah méj hup keꞌjèk.

Chok rik kerèngdakh namtèrgos nèsgos eh èn duniak doh, akal naruj nèsgos eh rik jalꞌéng. Tapik chok rik èg-og nèsgos eh untok Yék akal nadapad nèsgos rik jalꞌéng.”

Agok lah tukh ma sènꞌòy, sebab umnak had boléh kèrbes ma esik nyob hék, tapik tok dapad mukèrbes ma ruway nyob. Tapik tukh lah ma Allah hék, sebab Rik Nak bekuwase namkèrbes ma esik sènꞌòy, bok ma ruway eh keꞌjèk èn kelòj nerake.

Dak chok rik jèk-jèk namgulap palok salib eh dak tok nasanggob namderite bok namkebes sebab nahoh ma Yék, sènꞌòy nak tok behakak namjadik hèhoh Yék.

“Chok rik beꞌakuk ma rik eh hèhoh Yék èn mad sènꞌòy, akal Yék keꞌjèk iꞌakuk sènꞌòy nak hèhoh Yék èn mad Apak Yék rik èn sorga. Tapik chok rik tok beꞌakuk ma rik eh hèhoh Yék èn mad sènꞌòy, akal Yék ichal sènꞌòy nak kedak hèhoh Yék èn mad Apak Yék rik èn sorga.”

Tèrhakh lah ma sènꞌòy jèk-jik, tèrwòg ma sènꞌòy kèsbes, tèrhakh ma sènꞌòy rik bechenèk sèmpok supaye mujadik méj wèl, bok kiron lah yel-yel jèdhad. Nyob hòj nyob terime kuwase doh bok tok nyob bebayar ilok-ilok pon, jadik bil nyob teꞌèl hal nak untok sènꞌòy mòy, agok lah nyob semany ma umnak untok mubayar.

Bok èn mad Allah nyob jerok lebéh penting nòm ibuk chèp hẽj nak! Hek, sog èn kuy nyob pon Allah hòj nalèkh lènbéh kenèmbek um. Sebab nak, agok lah tukh ma sènꞌòy rik belawan ma nyob!”

“Agok lah nyob bebèdlod Yék ilãj ma bumi doh untok imꞌuy sènꞌòy mubema-méj! Hõy, Yék ilãj kedak imꞌuy ma sènꞌòy mubema-méj, tapik mubera-rok.