Popular Bible Verses from Matius 16

Share

Pas nak Yèsus nachal ma hèhoh-hèhoh Eh, “Chok rik chèn-chèn namhoh ma Yék, mestik nanak tok nahèh-hoh ma nènchèn rik eh, tapik nanak mestik nagulap palok salib eh — maksod eh, mestik lah nasanggob namderite bok namkebes supaye namhoh ma Yék.

Dak Yék ichal ma hãk: hãk doh Pètrus (rik bemaksod ‘batuk’). Bok gerèk sènꞌòy umteꞌèl dékh èn balikh batuk supaye namchegod, Yék akal ipakéy hãk untok imteꞌèl kewarge Tuhan rik bepechaye ma Yék, dak kenèmbek kuwase nerake pon tok dapad namkèrlah ma umnak!

Yék iꞌog ma hãk kuwase èn Kerajaꞌan Allah. Hãk akal haꞌoglèkh ma sènꞌòy rik bepechaye ma Yék ilok umnak boléh muteꞌèl, dak ilok rik tok boléh muteꞌèl. Dak ilok hãk hachal nak Allah èn sorga pon nasetujuk, sebab Nanak naꞌog hak nak ma hãk.”

Chok rik chèn-chèn namtèrgos nèsgos eh èn duniak doh, akal naruj nèsgos eh rik jalꞌéng. Tapik chok rik èg-og nèsgos eh untok Yék akal natèrgos nèsgos rik jalꞌéng eh nak.

Tok begunak eh sènꞌòy nak mok kenèmbek harte eh èn duniak doh, tapik naruj nèsgos eh rik jalꞌéng. Tok mèk-mok ilok-ilok pon dapad namgantik nèsgos eh nak.

Dak Yèsus natanyak, “Tapik dak rèk lok ma nyob wèl? Chok Yék doh?” Simon Pètrus nasaꞌod, “Hãk lah Mèsias, Kuwòt Allah, Allah rik gès-gos!”

Yèsus nachal, “Simon kuwòt Yunus, ilok hachal nak tok hakèngyòkh nòm sènꞌòy, tapik Apak Yék èn sorga nateꞌèl méj geb ma hãk bok napèrnéh hal nak ma hãk.