Popular Bible Verses from Matius 15

Share

Tapik nèlchal rik nahuwòl nòm nyag bok nalãj nòm kelòj hup, unak lah rik najadik ma sènꞌòy laꞌes èn mad Tuhan. Sebab nòm kelòj hup sènꞌòy nalãj benèdlod jèdhad, bechègleg, bebènjhéj, begalag, besèjyèj, besèꞌlok tentang sènꞌòy, bok bepègyog ma sènꞌòy.

Ilok rik sènꞌòy natèrmòj ma nyag eh tok dapad namjadik ma sènꞌòy nak laꞌes èn mad Tuhan. Tapik ilok rik nahuwòl nòm nyag eh, unak lah rik najadik ma sènꞌòy nak laꞌes èn mad Tuhan.”

‘Sènꞌòy doh had èn nyag um hék umhormad ma Yék, kemoh hup um jerok nòm Yék. Tok begunak umnak umsindol ma Yék, sebab umbetènglèkh adad nòm sènꞌòy gerèk adad nak hukom nòm Yék.’”

Dak anak Yèsus nasaꞌod, “Ayah, hãk lah babok rik kemën-kemën hapechaye ma Yék! Sebab nak, ilok rik hãk hachèn nak akal nabelakuk.” Dak bil nak keꞌjèk kuwòt babok eh sejèkh nahakh.

Tapik babok nak nalãj natud èn sòy Yèsus dak nachal, “Yãng, tulong lah che yék!” Yèsus nasaꞌod naꞌog chòntoh ma babok nak, “Tok patod èmkod nèygéy nòm mèn kuwòt dak èmbes ma mèn chuwòk. Kaum Israꞌèl nak kuwòt Tuhan, jadik Yék patod imtulong ma umnak nèng-nèng. Tapik hãk kedak nòm sènꞌòy Israꞌèl nak, jadik hãk gerèk chuwòk nak hék.” Babok nak nachal, “Hek, Yãng. Tapik chuwòk pon dapad umgéy bil nèygéy kël um nak nakelek ma tèk.”