Popular Bible Verses from Yohanès 17

Share

Kenèmbek Gah Hãh nak kemën; tènglèkh lah ma umnak ilok rik kènmën nak, bok pèrmòy umnak nòm duniak doh untok rik ma rik Hãh.

Had Hãk hék lah Allah rik kènmën, dak kalòw sènꞌòy umkenal ma Hãk bok ma Yék, Yèsus Kristus rik hòj hatèrꞌèn, bok gerèk nak lah umdapad nèsgos rik jalꞌéng.

Yék tok ipèꞌtak had untok umnak hék, tapik ipèꞌtak keꞌjèk untok kenèmbek sènꞌòy rik akal umpechaye ma Yék bil umꞌèg-oglèkh gah tentang Yék. Apak, Yék ipèꞌtak supaye umnak kenèmbek mugos néy hup, samak gerèk rik Ah: gerèk Hãk mok èn Yék, bok Yék èn Hãk. Yék ipèꞌtak supaye umnak keꞌjèk mugos néy hup èn kelòj Ar, bok sènꞌòy èn duniak akal umpechaye Hãk irik terèn-èn ma Yék.

Yék tok isènymany ma Hãk hamkod umnak nòm duniak doh, tapik Yék isemany Hãk hamjagak ma umnak nòm Iblis, Rik Jèdhad nak.

Bok gerèk Hãk hòj haꞌog ma Yék kuwase ròb renayak Hãh, Yék keꞌjèk iꞌog ma umnak untok mupèrnéh kuwase ròb renayak inak, supaye umnak mugos néy hup, samak gerèk Ar keꞌjèk agos néy hup. Hãk mok èn Yék, bok Yék pon mok èn umnak, supaye umnak kemën-kemën mugos néy hup. Dak sènꞌòy èn duniak akal umlèkh Hãk hòj hatèrꞌèn ma Yék dak Hãk hasayèkh ma umnak, samak gerèk hasayèkh ma Yék.