Tapik Pètrus nachal ma rik nak, “Ananiyas, nahey hãk haperak Iblis nakuwase ma hup hãk? Hãk hòj habesèꞌlok ma Ruway Kudus, bok hadol ènsekh duid nòm tèk nak untok rik hãh. Èn tèk-tik tok hajèlwal, pastik tèk nak milik hãk. Dak kerek hòj hajuwal tèk nak, duid nak pon milik hãk keꞌjèk, bok boléh hagunak nahoh ma nènchèn rik hãh. Bok nahey hãk habebèdlod jehad èn kelòj hup hãh bok hateꞌèl gerèk doh? Hãk tok habesèꞌlok ma kandék hék, tapik hãk hasèꞌlok keꞌjèk ma Allah!” Bil Ananiyas nakeyòkh ma nèlchal Pètrus nak, nanak sejèkh nakebes dak nakel ma tèk. Kenèmbek sènꞌòy rik kèngyòkh ilok rik nabelakuk nak umtukh geb.