Popular Bible Verses from Tènꞌèl Mèn Rasul 4

Share

Jadik had Yèsus hék lah rik terèsgos ma èk! Èn kenèmbek bumi Allah tok naꞌèg-og wèl ma chok-chok pon namtèrgos ma èk.”

Nòm kerek umnak hòj sòj umpèꞌtak, dak èn tempad umbekumpol nak gerèhnëh. Dak Ruway Kudus nakuwase ma umnak kenèmbek, dak umnak umtekèd umꞌèg-oglèkh Gah Allah ma sènꞌòy nòm lenamid um.

Jadik puꞌdoh, yah Tuhan, néh lah. Umnak hòj umpèrhir ma kandék. Kandék doh milik Hãk, dak kihoh ma nènchèn Hãh. Jadik, tulong lah che kandék supaye tok kimtèng-tukh untok kimtèrlòy Gah Hãk.

Dak mok natulis èn kelòj Kitab tentang Yèsus: ‘Sènꞌòy rik umtèlꞌèl dékh umbes néy batuk rik umjèk nak. Batuk nak hòj najadik batuk paléng penting — batuk betunggol rik namchèrgod ma dékh nak.’

Mèn pemimpin Yahudi umbèlꞌih bil umnéh ma Pètrus ròb Yohanès wèlamid wècharak gerèk nak, sebab umnak umlèkh wènar nak had sènꞌòy biyase bok tok wèbelajar ibuk tentang agama. Dak èn anak umnak umbelekh wènar nak rik selaluk hèh-hoh samak Yèsus.

Kenèmbek sènꞌòy rik pechaye nak umnak umgos néy hup. Tok mèk-mok néy sènꞌòy pon rik nambèdlod ilok rik mok èn nanak milik rik eh nak. Kenèmbek ilok rik mok èn umnak umsa-sér kaban rik um.