Popular Bible Verses from लुकस 6

Share

चिआ, अउर निमा गे हूँ चितारओ। अरबा-अरबा, नुकुच-नुकुच अउर बिजरना लेखा धर्मेस निम्‍हय कोइछा नू चिओस। एन्‍देरगेका एका नाप ती निम चिइदर, आ नाप तिम निमा गे हूँ चितारओ।”

दव आलर तंग्‍हय जिया ही दव कुट्‍ठी ती दव कत्‍था दुम ओथरनर अउर मलदव आलर तंग्‍हय जिया ही मलदव कुट्‍ठी ती मलदव कत्‍था दुम ओथरनर। एन्‍देरगेका एका कत्‍था जिया नू निन्‍दरकी मनी, आलर ही बई ती आदिम उरख़ी।

लेकिन निंग्‍हय बैरिरिन चोन्‍हा नना अउर अबड़र ही दव नना। अउर ख़क्‍खना ही असरा मला नना की रिन चिआ अउर निम कोहाँ इनाम ख़क्‍खोर, अउर निम हुरमी ती मइयाँ नू र' ऊ धर्मेस ही ख़द्‍दर लेखा मनोर, एन्‍देरगेका धर्मेस बेइमान अउर कुचरहर गे सोग्‍गे रअदस।

निम्‍हय मेर्ख़ा ता बबस सोग्‍गे रअदस, अन्‍नेम निम हूँ सोग्‍गे मना।

“दोसरर ही न्‍याय मला नना अउर निम्‍हय हूँ न्‍याय मला ननतारओ। दोसररिन दोस मला लगबआ, अउर निमा गे दोस मला लगतारओर। छेमा नना, अउर निमरिन हूँ धर्मेस छेमा ननोस।

“लेकिन एंग्‍हय कत्‍था मिनुरिन एन बअदन, निम्‍हय मुदैरिन चोन्‍हा नना, अउर निंगन हिंड़उरिन सोग्‍गे नना। निंगन सरपउर गे आसिस चिआ, मला बेस्‍स बेहवार ननुर ही खतरी गोहरारआ।

एकन्‍ने आलर निम्‍हय गने ननोर बआ की निम बेद्‍ददर, निम हूँ अबड़र गने अन्‍नेम नना।

निंगन ओन्‍द गल्‍ले नू लउरगे दोसरा गल्‍लेन हूँ लोआ गे चि चिआ, अउर निंग्‍हय बहारिन्‍ता झुलन हुउर गे निंग्‍हय भित्‍रिन्‍ता झुलन हूँ होआ गे चिआ। निंग्‍हय गने नेऊ होरमर गे चिआ, अउर निंग्‍हय सर-समानन हुउर गने फेर मला नेआ।

“एकअम दव मन्‍न मलदव ख़ंजपा मला ख़ंजतिई, न तो मलदव मन्‍न दव ख़ंजपा ख़ंजतिई।

हुरमी मन्‍न तंग्‍हय ख़ंजपा तिम चिन्‍हारी। एन्‍देरगेका झुकड़ी ती नेकउम अन्‍जिर मला चोख़नर, न तो अच्‍च झुकड़ी ती अंगुर चोख़नर।