Popular Bible Verses from लुकस 23

Share

आबिरी येसुस बाचस, “अना बाबा, इरिन छेमा नना, एन्‍देरगेका इर एन्‍देर नना लगनर अदिन बलनर।” ख़ने आर येसुस ही झुलन बखरा नन्‍जर की चिट्‍ठा सज्‍जर।

येसुस आसिन बाचस, “मानिम एन निंगन बअदन, इन्‍नम निन एंग्‍हय गने मेर्ख़ा नू मनोय।”

ख़ने आस येसुसिन बाचस, “अना येसू, निन निंग्‍हय राजी नू बरओय होले एंगन हूँ सुरता ननके।”

अउर येसुस जोरसे चिच्‍चयारस की बाचस, “अना बाबा, एन एंग्‍हय बोलतन निंग्‍हय ख़ेक्‍खा नू सोपदन।” इरम बअदस की आस खेअदस कादस।

आर खोपड़ी बारना अड्‍डा नू अड़सियर ख़ने असन आर येसुसिन कुरुस नू टंगचर अउर आ दुई गोड़े गुनहा नन्‍जकारिन हूँ ओर्तोसिन येसुस ही तिना तरा अउर दोसरसिन डेब्‍बा तरा कुरुस नू टंगचर।

अक्‍कू लगभग बारा ख़रख़की रहचा ख़ने बिड़ना लग्‍गा गे बन्‍द मन्‍जा अउर तिन बजे गुटी सौंसे राजिन उख़ा ती कुल्‍लकी रहचा। अउर धर्मेस ही एड़पा नू टंगरका परदा मइयाँ ती किइयाँ गुटी चर्रा की दुई फड़ा मन्‍जा केरा।

मइयाँ ता मन्‍जका कत्‍थन इरियस की रोमी सिपाहिर ही कप्‍तानस धर्मेस ही महबा नन्‍तेम बअदस, “मानिम ई आलस धर्मी रहचस।”