Popular Bible Verses from लुकस 19

Share

एन्‍देरगेका धर्मेस तय्‍यका एन आल तंगदन ई ख़ेख़ेल नू जक्‍कैस लेखा एबसेरका आलरिन बेद्‍दा अउर बछाबआ गे बरचका रअदन।”

“धर्मेउर्बस ही नामे नू बरऊ बेलस धैन हिकदस। मेर्ख़ा नू सान्‍ती मना नेकआ अउर धर्मेस ही महबा मनन नेकआ।”

येसुस बाचस, “इन्‍ना ई एड़पा ता आलरिन धर्मेस बछाबचका रअदस। एन्‍देरगेका ई जक्‍कैस हूँ अबराहामस ही बनस ता आलस दुम हिकदस।

एकाबिरी येसुस आ अड्‍डा नू अड़सियस, ख़ने आस मेन इरियस की आसिन बाचस, “अना जक्‍कै, चाँड़े एत्‍ता की किइयाँ बरा, एन्‍देरगेका इन्‍ना एन निंग्‍हय एड़पा नुम पाही रआ गे कालोन।” ख़ने जक्‍कैस चाँड़ेम किइयाँ इत्‍तियस की बरचस ख़ने बग्‍गे रिझ ती आसिन तंग्‍हय एड़पा होच्‍चस केरस।

लेकिन जोक्‍क बेड़ा ख़ोख़ा जक्‍कैस इज्‍जस की उर्बासिन बाचस, “अना गुरू, एन एंग्‍हय खुर्जी ही अधहा बखरन गरिबर गे चिओन, अउर नेख़अम ती ठक्‍चन की होच्‍चका रअदन होले, आर गे एन अदी ही चार गुना किर्तओन चिओन।”

लेकिन गोहड़ा ता एकअम-एकअम यहुदी बअना फरिसिर येसुसिन बाचर, “अना गुरु, निंग्‍हय चेलारिन छछेम रआ बआ की केबरआ।” लेकिन आस बाचस, “एन इबड़रिन छछेम रआ गे मला बओन, इबड़र छछेम मन्‍जर होले तो इबड़ा पखना गुट्‍ठी हूँ चिच्‍चियारआ हेलरओ।”