Popular Bible Verses from लुकस 16

Share

ने एकदम सन्‍नी कुना कत्‍था नू इमानदार मन्‍दस, आस कोहाँ कत्‍था नू हूँ इमानदार मन्‍दस, अउर ने एकदम सन्‍नी कुना कत्‍था नू बेइमान मन्‍दस, आस कोहाँ कत्‍था नू हूँ बेइमान मन्‍दस।

“एकअम नोकरस दुई गोड़े उरुबर ही सेवा नना पोल्‍लनर, एन्‍देरगेका आस ओर्तोसिन हिंड़ओस की दोसरसिन चोन्‍हा नन्‍दस, या आस ओर्तोस ही भक्‍त मन्‍दस की दोसरसिन ख़ाँड़दस। निम धर्मेसिन अउर खुर्जिन दोनोन सेवा नना पोल्‍लोर।”

औंगे निम ख़ेख़ेल ता धन नू इमानदार मला मन्‍जकर होले, ने निमन मेर्ख़ा ता मानी धन ही जिम्‍मा चिओर दरा? अउर निम दोसरर ही धन नू इमानदार मला मन्‍जकर होले, निम्‍हय अपना धन निमा गे ने चिओ दरा?

लेकिन अबराहाम आसिन बाचस, ‘मोसास ही अउर अगमजानिर ही कत्‍थन मला मेन्‍नर होले, नेकइम केच्‍चकन्‍ती उज्‍जा चोओर होले हूँ आर मला पत्‍तओर।’”

“नेकइम तंग्‍हय आलिन अम्‍बदस की दोसरा बेंजरदस, आस भडुवा नलख नन्‍दस, अउर दोसरा अम्‍बकन बेंजरउस हूँ भडुवा नलख नन्‍दस।”