Popular Bible Verses from Matayo 24

Share

Eꞌyo ònzɨ nɨ gale tree vɨɨ yɨ̀, ꞌba oꞌbɨ́ nɨ nga ca lètaa koko drʉ. Te ꞌbarʉʉ eꞌyo ꞌdɨ̀vɨɨ tia tale kpere àsìrɨa vɨɨ nɨ nga ovʉʉ pazà drʉ.

Oꞌdúkó Ònyɨ̀be Kárí ꞌdɨ̀vɨɨ drìa vɨɨ ꞌba nga òlʉ̀ʉ wúdrìkúrù drɨ́á alɨa eꞌyo soti ɨ̀ꞌdazà drʉ súrú ꞌwàrà drɨ́á yɨ́, acete àsìzà nɨ ngaa caa ndò.”

Àmɨ nga eꞌyo ɨrɨ àꞌdí drìa ògògò díká vàlà, te ɨ̀rɨ fè àmɨ́ yɨ́ òrì kʉ. Lè eꞌyo ꞌdɨ̀vɨ́ɨvɨɨ ɨnɨ ꞌó ànɨ ra, te àsìzà wúdrìkúrù nɨ vɨɨ nɨ koo lèe caa ra.

Sụ́rụ́ ꞌwàrà nɨ nga àꞌdí ꞌdii ànɨ ɨ̀sɨlɨa, díká kárí drɨ́á nɨ ngaa anɨ òkii ànɨ ɨ̀sɨlɨa. Àbírí nɨ ngaa zòo díká òyàkʉ̀yà nɨ ngaa ovʉʉ àngʉ̀ drɨ́á alɨa. Eꞌyo ꞌdɨ̀vɨɨ ɨnɨ ngaa ànɨ ꞌoo kɨ̀le òsitaa àzo òkò vɨɨ lé àsìzà wúdrìkúrù nɨ yɨ́.”

ꞌBù ɨnɨ ngaa ànɨ dee nyawú be ra, te eꞌyo ma awo vɨɨ ngáá ànɨ de kʉ.”

Àrɨ̀yɨ̀kʉ ꞌba òꞌbɨ́ nɨ ngaa caa ma rú yɨ̀ ꞌyojʉ kɨ́nɨ̀ ‘Ma Kristo ɨ,’ díká ɨnɨ nga ꞌba òꞌbɨ́ olee ra.

“Acete ꞌba nga mɨ fèe eꞌyo lizà drìlia, mɨ kijʉ ra, díká ꞌba súrú drɨ́á alɨa vɨɨ ɨnɨ nga àmɨ ngùu ònzɨ ma eꞌyo yɨ̀. Sawà ꞌdànaa yɨ̀ ꞌba òꞌbɨ́ányá àꞌɨ̀taa nɨ nga nɨ dee ra díká ɨnɨ nga ànɨ òꞌdɨ nyaa àloo ànɨ ngùu ànɨ ɨ̀sɨlɨa. Acete Nàbíà ɨ̀nzò drʉ vɨɨ ɨnɨ ngaa pʉ̀ʉ tree díká ɨnɨ nga ꞌba òꞌbɨ́ olee.

Yesu òmvɨ kɨ́nɨ̀, “Àmɨ ovʉ́ mule be díká àmɨ fé ꞌba àloo ɨ̀rɨ ole àmɨ kʉ.

Ànɨ lè pàbaa àmɨ ovʉ́ ngónde, àrɨ̀yɨ̀kʉ ꞌBa Mvápi nɨ nga caa sawà àmɨ nìle kʉ vɨɨ yɨ̀.

Tèvɨ́nɨ, àmɨ ovú mule be àrɨ̀yɨ̀kʉ àmɨ nìi oꞌdú Opɨ àmɨ ꞌyowa vɨɨ nɨ mujʉ cajʉ vɨɨ kʉ.

“ꞌBa àloo nìi oꞌdúa ɨnɨ sawàa be kʉ, káꞌdí malaika ꞌBùa vɨɨ níi kʉ, Mvápia nìi kʉ, te Atapi nì lʉ́ nɨ̀.

Àrɨ̀yɨ̀kʉ Kristo ɨ̀nzò drʉ àloo ꞌba eꞌyo ondrɨ́lé ɨ̀nzò drʉ vɨɨ ɨnɨ ngaa ɨ̀pʉ̀ʉ tree díká ɨnɨ nga ɨ̀cetaa òꞌbɨ́ ɨ̀ꞌdaa àloo talɨ òꞌbɨ́ ꞌoo ꞌba òꞌbɨ́ olejʉ káꞌdí pàbaa ꞌba Orɨ awo òpèzà vɨɨ ɨnɨ olejʉ tè àꞌba ɨcoo nɨ ꞌoo ra nɨ.

Cataa ꞌBa Mvápi awo vɨɨ nɨ nga ovʉʉ Kòꞌbò ndráánɨ́ Noa ngarè vɨɨ lé. Àrɨ̀yɨ̀kʉ ndráánɨ́ dèè ngà yí tìzà caa kʉ, òꞌbɨ rɨ́ àfa nya, àfa mbu, zi ru, díká ònyɨ ru kpere oꞌdú Noa nɨ fɨjʉ yee alɨa vɨɨ yɨ̀. Káꞌdí níí àrɨ eꞌyo nɨ koo nɨ ꞌoo nɨ̀ yà vɨɨ kʉ kpere yí tìzà nɨ carɨa ɨnɨ jiria. Ɨ̀rɨ muu ovʉ bèbè vɨ́nɨ oꞌdú ꞌBa Mvápi nɨ cajʉ vɨɨ yɨ̀.