Popular Bible Verses from Matayo 19

Share

Yesu ndrè àngʉ̀ ɨnɨ bʉ díká ꞌyo ɨnɨ yɨ́ kɨ́nɨ̀, “ꞌBa ada nɨ nɨ ngʉlʉpɨ nɨ pajʉ ɨ̀rɨ ɨ̀wa be, te Orɨ yɨ́ eꞌyo drɨ́á ɨ̀wa yʉ.”

Ànɨ ngáá ace ovʉ àfa mgbimgbi ìrì drʉ kʉ te ɨnɨ ovʉʉ àfa àlʉ drʉ. Ànɨyɨ̀ àfa Orɨ nɨ ɨ̀cɨle túàlʉ ꞌba vɨɨ lè ꞌba àloo ɨ̀rɨ awa kʉ.”

Yesu òmvɨ ɨnɨ yɨ́ kɨ́nɨ̀, “Àmɨ awɨɨ eꞌyo sɨ̀zà ꞌyole, ‘Ɨꞌdorɨa Orɨ òꞌbà ꞌba ada agú ɨnɨ izí be’ vɨɨ la kʉ ya? Díká Orɨ kɨ̀nɨ̀, ‘Eꞌyo ꞌdɨ̀vɨɨ yɨ̀ agú nɨ ngaa atapi ɨnɨ kʉ ayopi be ra, mujʉ ànɨ ɨ̀cɨjʉ túàlʉ izípi be akú sijʉ kara àlʉa, díká ꞌba ìrì ꞌdɨ̀vɨɨ ɨnɨ ngaa ca àfa àlʉ drʉ.’

Yesu kɨ̀nɨ̀, “Àmɨ kʉ́ anzɨ nyɨ́rɨ́ ɨnɨ mú ma bʉ, díká àmɨ ògá ɨnɨ kʉ, àrɨ̀yɨ̀kʉ Kárí ꞌbù nɨ vɨɨ ɨ̀rɨ ꞌba ꞌdɨ̀vɨ́ɨvɨɨ ꞌyowa nɨ.”

Te ꞌba òꞌbɨ́ sawà vɨɨ yɨ̀ ovʉle òkò vɨɨ ɨnɨ ngaa ovʉ àva díká ꞌba sawà vɨɨ yɨ̀ ovʉle àva vɨɨ ɨnɨ ngaa ovʉʉ òkò.

Díká ꞌba drɨ́á ànɨ ꞌyowa jó kʉle nòsɨ̀kʉ adrípí kʉle nòsɨ̀kʉ ambúpí kʉle nòsɨ̀kʉ àtapí kʉle nòsɨ̀kʉ ayópí kʉ̀le nòsɨ̀kʉ anzɨ ꞌyowa vɨɨ ɨnɨ kʉle nòsɨ̀kʉ nyawú kʉle drɨ́á ma eꞌyo yɨ̀ vɨɨ ɨnɨ ngaa àfa ndee ɨnɨ isúu atɨzà drʉ paaleko tʉrʉàlʉ díká ɨnɨ ngaa mu fɨɨ ɨdrɨ nánináni vɨɨ alɨa ra.

Yesu òmvɨ ɨ̀rɨ yɨ́ kɨ́nɨ̀, “Mɨ tè lèe ovʉʉ àlátárá drʉ, mɨ mʉ àkúá, mɨ ozí àfa drɨ́á mɨ awo vɨɨ ɨnɨ ra díká mɨ awa séndèa aluu yɨ́ ànɨ mɨ ngaa ovʉ lonyɨ be ꞌbùa benì. Acete mɨ mu ma bʉ, mɨ bɨ̀ ma buti.”

Yesu òmvɨ ɨ̀rɨ yɨ́ kɨ́nɨ̀, “Mɨ ma zi eꞌyo ònyɨ̀be drìa àrɨ eꞌyo yɨ̀ yà? ꞌBarʉʉ kíríá ònyɨ̀be vɨɨ àlʉ. Mɨ tè lèe fɨɨ ɨdrɨ alɨa ra, mɨ mba àzítáá tà.”

Díká ma lè ꞌyo àmɨ yɨ́, ɨ̀rɨ ɨ̀wako drʉ ngàmɨ́à nɨ fɨjʉ sɨ̀ndánɨ̀ tele yɨ̀ ɨ̀gàtɨ ꞌbarʉʉ lonyɨ be vɨɨ nɨ fɨjʉ Kárí Orɨ awo vɨɨ alɨa vɨɨ ra.”

Ma lè ꞌyo àmɨ yɨ́, agú àloo izípi nɨ gàa eꞌyo tòó yɨ̀ isú vɨɨ dèè izípi ꞌbàa àlɨ nɨ kʉ, díká tè izí àloo mgbia ru ɨ, agú ndee dèè naa ꞌbà àlɨ nɨ.”

Acete Yesu ꞌyo ꞌba ɨ̀rɨ nɨ ɨmbale vɨɨ ɨnɨ yɨ́ kɨ́nɨ̀, “Ma lè ꞌyo àmɨ yɨ́ tàándí drʉ, ɨ̀rɨ ɨ̀wa drʉ ꞌba lonyɨ be vɨɨ ɨnɨ nɨ fɨjʉ Kárí ꞌbù nɨ vɨɨ alɨa.