Popular Bible Verses from 1 Koronito 15

Share

Ànɨyɨ̀, adrímà Kristiani drʉ manɨ lèle tʉ vɨɨ ɨnɨ lá, lè àmɨ sóká òkpo drʉ, àmɨ fé eꞌyo àloo ɨ̀rɨ òmva àmɨ drì kʉ. Àmɨ fe àmɨ ndulu azí Opɨ awo vɨɨ nɨ, àrɨ̀yɨ̀kʉ àmɨ nìra àzí àmɨ nɨ ngale Opɨ yɨ̀ vɨɨ ovʉʉ òròdríkó drʉ kʉ.

Te àwàꞌdɨ̀fóò Orɨ yɨ́! Ɨ̀rɨ nɨ àma yɨ́ òkpo fèle drà drì arújʉ́ Opɨ Yesu Kristo yɨ̀ vɨɨ yɨ̀.

Àmɨ fé ɨ olé àmɨ kʉ. “Amuti ònzɨ vɨɨ ɨ́ ɨdrɨ ònyɨ̀ be vɨɨ òmva ra.”

Te àzà Orɨ awo vɨɨ yɨ̀ ma ànɨ àzí ngaa Kòndè Kristo awo drʉ ꞌdɨ̀ ɨ, díká àsíndrɨ̀zà ɨ̀rɨ awo ma bʉ vɨɨ ovʉʉ tòó náni kʉ. Yʉ, Ma nga àzí fu drì cɨ ɨ̀gàtɨ ɨnɨ drɨ́á rá, te ovʉʉ òkpo ma ngʉlʉpɨ nɨ yɨ̀ kʉ, ɨ̀rɨ asíndrɨ̀zà Orɨ awo vɨɨ nɨ ovʉle ma be cɨ vɨɨ yɨ̀.

“Drà la, òkpo mɨ awo ndee nɨ̀ vɨɨ ngʉ̀a yà? Drà la, òkpo mɨ awo ꞌba òkijʉ vɨɨ ngʉ̀a yà?” Drà ɨ nɨ awo òkpo ꞌba òkijʉ vɨɨ isú ngajʉ ɨ̀zatà bʉ díká ɨ̀zatà ɨ nɨ awo òkpo isú ngajʉ Àzítaa Orɨ awo vɨɨ alɨa.

Àmɨ ɨrɨ́ ngà, ma lè àmɨ yɨ́ eꞌyo zìzà ꞌyo: Àma drɨ́á ngáá òdra nɨ̀ kʉ, te àma ngaa àma ojaa drɨ́á sawà were alɨa, gùá àsìjʉ vɨɨ te ngaa wʉʉ ꞌba, ꞌba òdràle ra vɨɨ ɨnɨ ngaa ɨ̀gàa rúá dràle kʉ vɨ́ɨvɨɨ be, díká ꞌba nga àma oja ra.

Àrɨ̀yɨ̀kʉ drà nɨ cale léti ꞌba ada bʉ vɨɨ yɨ̀ vɨɨ yɨ̀, ɨ̀gàtaa drà alɨa vɨɨ ca pàbaa léti ꞌba ada bʉ vɨɨ yɨ̀. Àrɨ̀yɨ̀kʉ ꞌba drɨ́á nɨ́ òdràle eꞌyo ɨnɨ òrɨ nɨ ngale Adamu bʉ vɨɨ eꞌyoa yɨ̀ vɨɨ yɨ̀, pàbaa ꞌba drɨ́á nɨ ngaa ɨ̀gàa eꞌyo ɨnɨ nɨ Kristo nɨ àꞌɨ̀jʉ ra vɨɨ yɨ̀.

Àrɨ̀yɨ̀kʉ rúá ŋole ŋo vɨɨ ꞌba ngaa ɨ̀rɨ oja rúá ɨcole ŋole kʉ vɨ́ɨvɨɨ drʉ, rúá dràle ra vɨɨ ꞌba ngaa ɨ̀rɨ oja dràle kʉ drʉ.

Àrɨ̀yɨ̀kʉ lè ɨ̀rɨ nya òpɨ̀ kpere ɨ̀rɨ nɨ arɨꞌboo ɨ̀rɨ awo vɨɨ ɨnɨ drì arúrɨ́á drɨ́á. Àrɨꞌboo ɨ̀rɨ nɨ ngale drìa arúlé àsìjʉ vɨɨ ɨ̀rɨ drà ɨ.