Popular Bible Verses from Liuk 8

Share

Ubiak in̄wi elasi edeghe-isȯn̄ ukȯ ami ubiak nsip mbokro ȯkȯluȯn̄ȯ obono. In̄wemi egie nsen̄e anin̄ Ahta-Etie ma azid apanikwȯ elaha ekanye enim kapanikwȯ, ene imi enwin nkim ki ime.

Ubiak in̄wi elasi isȯn̄-ukȯ-nkra ami ubiak nsip mbokro ȯkȯluȯhȯ obono. In̄weni egie nsen̄e anin̄ Ahta-Etie, ani sighi ini ogbo, nditemede ȯluk ȯnȯ imi asieki oposȯn̄ akikre unye ma inem uwem. Ki ntak ani, imi ekȯd ebek enye ntunla ki sibirid-o.

Ubiak in̄wi elasi isȯn̄-ukȯ utai ami ubiak nsip mbokro ȯkȯluȯn̄ȯ obono. Kini in̄wi ani egie nsen̄e anin̄ Ahta-Etie, imi enim ki idra. Ani imi etre idiyak nsen̄e anin̄ Ahta-Etie anye ȯlliȯn̄ ki azid imi, ene imi enim kuyo ini, ani ki ini idime adi, imi esa mbuodile imi eyak ekenne udiȯk-mpȯ.

Jizȯs ȯdȯhȯ ima mbed, «Nsi ene ifi nama ikinye mbuȯdile kille Mi? Udulan̄a ȯmȯ afidefid mbed Iseghe, elaha ebak ki mpille, ebid ile imi, «Nsutȯ anwi anemi? Anyi ȯwu oyobio ma ulahapa imi esu-uboho enȯ Anyi.

Ubiak in̄wi elasi ndek-ȯpȯdeghe ami ubiak nsip mbokro ȯluȯhȯ obono. Imi egegie nsen̄e, ani setan aditan̄ nsen̄e ȯsuȯn̄ȯ ki azid imi. Imi etre idinim ki apanikwȯ ene nsen̄e enyan̄a imi-o.

Siaki afidefid mpȯ ami alebe maaya. Afidefid seni nlebe-mpȯ ulahami menne afidefid in̄wi efiak.

Kini anwinwa ani afiak kama imi idikȯd ilebe, anyi ȯgbȯdi ma nyen̄ile adi tȯn̄elȯn̄ kenye anin̄ Jizȯs ȯsu uboho ki upono ȯnȯ Anyi ki anye otu-in̄wi. Kini otu-in̄wi epan̄utȯn̄, anyi atan̄ ntak ami anyi ȯkȯtu ȯvȯn̄ anin̄ Jizȯs, ma sighi imi ikibȯhȯ ȯkikikȯk inisininisin. Ani Jizȯs ȯdȯhȯ anyi, «Ayekie Mi anwinwa, ulȯn̄ȯ fi ekre siaki avi akenim kapanikwȯ ki Ami nkime idinne ulȯn̄ fi ekre. Nyȯn̄ kabak ki emem ma Ahta-Etie.

Ima mbed elaha eketuak Anyi esȯ ki ilee, edȯhȯ Anyi, «Ȯgwȯn̄-Etie, Ȯgwȯn̄-Etie! Nwam inyin ki mȯki idipan̄a.» Jizȯs alahala esuehe ȯnȯ oyobio ma ulahapa edetre, imi etre, apa abid.