Popular Bible Verses from Hibru 12

Share

Bakhaw ini hmuh, awbawng sawksi nangkei ini ken setsei ini mäi khäh. Äi koong, nangkei a khrawng jai sawktih la mawng ngulai la chetchet mawn bala khrawng tawk äm, äi khäl tongal äng khä. Äihi nangkei sawk mäyak ni uyum äng Yĕsu a chetchaw pula ini mäi hnängai. Iyaäm Ani la dä nangkei a Hnadaga khrung äng täkchah khrawng yum sawk awlaw Ani a mawmawt chaw yumei hngäng hmawna khrawng ku. Äi Yĕsu Krito khrung äng ini lung khraw ei äng khä. Awhmawi hmaw a awpiyaw mäi hüt koong Ani hiyawhei büneyeih saw tawkeyah pak krut äng düsaw chunei hüt. Awlaw tua Hnadaga käh nawna set pawta om bala mäi.

Chok hawu khäl kheni dukhah ting ini khin, awpiyaw ting khin pu. Äini äi chok hawu ula lawkei äm, äila jelkhiyamsa la konghmuh äng käh theih bünei.

Nangnih ükütni äng ni jelkhiyamsa äng nini mäyeih saw hno khäl awlaw asanh chang mäi khäl. Asanh chang thäneyah pak che hngat la ha Boi a hmu hnawh.

Ngulaisu khälla thasa ini mum saw chunei hnäng hüttih Yĕsu khrung äng nini lung khrawei khäl. Äihi nangnih ngiyaw hnawh chu awlaw nini lung tum hnawh.

Lo khäl, nangkei Hnadaga a kenju tawngei äng khä. Iyaäm hlüneyah saw pre nangkei ini bünei. Lo khäl Hnadaga a äkiyä tawngei äng khäh awlaw Ani la lawei ong hmawi pek pula kenkeh äng Ani a rosi äng khäh.

Paw la awchaw a oproh ngal saw huih nangnih ha nini chuneyeih lah saw. Nangnih nini khru saw la dawn Hnadaga la nangnih äng awpaw huih poh ei. Awpaw la chokeyah tih chaw chuhnu hngat ha mäyei?

Iyaäm nangkei käh Hnadaga che khrak tih mei huih.

Lawgah äng käh paw khälla awpawi ini tawk saw huih dä tana krachaw koong nangkei a khrawng chokei. Äini Hnadaga käh asanh chang üphüh bünei mawna nangkei pawyeih phüh dä Hnadaga la nangkei a khrawng chokei.

Nangnih tua ha thi thoklah lokong ngulai äng jal täk lah hawm chu.