Popular Bible Verses from Hibru 11

Share

Nangkei ibang ini khah nei äm, äi lälä ini büneyeih saw ting ini khin saw ni uyum. Awlaw ibang hmu pu äm äi ämäi saw ting ini khin saw ni uyum. Uyum koong dä nangkei nuchen paw sawk khälla Hnadaga a ini phiyaw hüt saw.

Uyum kaw che Hnadaga lung hluih hnäng tih. Iyaäm u khäl Hnadaga khäka ini chet äm, Ani mäi khäh ting ini yumeiyeih lah saw. Hnadaga a u khälla ini sui äm anih a Hnadaga la phiyaw phoih khäl pekai.

Uyum koong dä nangkei ini yawk chu saw, Hnadaga mongkhok känäng käh kheu thok saw äng dä ni luhdül thänei hüt saw. Äi äng ini yawkchu, nangkei ibang ini hmuh äm, äi awdawng saw vawn känäng bi hmueiyah.

Hnadaga la Awbraham a panei hüt khaw a, uyum koong dä Hnadaga kheu ngei hüt saw. Hnadaga la ani awlaw ani chen khäla pekaih saw ting khawmei dün laa ani chet hüt. Äi khaw a mawnga chetaih lah saw äm hmawtei hütah thän ani chet. Hnadaga la Awbraham a ala hngat pekaih saw khrawkei hüt. Ani uyum koong dä äiya awhngaw presaw khrawng huih mäi hüt saw. Aijak la Yakub ihni mäi hüt saw huih ani ha tambu äng mäi hüt. Hnadaga la Awbraham khäka khawmei hüt saw huih ahnih khäka ha khawmei.

Ibang äi khaw a ha dawng hawmah äm, äi krong äng Hnadaga la Noha a sidih pek hüt. Noha a uyum mäi saw koong dä Hnadaga kheu ngei bala ani la ani imsaw lät hmawna long hngat bi hüt. Noha la ani yum äng ni luhdül a epret mawh po bala dawn. Awlaw Hnadaga la ani a konghmuh sang ting lawkei, äiche uyum koong dä thänei saw.

Uyum koong dä Inok ha dü ah saw. Hnadaga la ani a hawn pre a khawyal hüt koong ani a bünal u saw. Hnadaga la Hawnawka chiyal khawngah Hawnawk la Hnadaga a phiyaw hüt ting kiyam la hawu.

Uyum koong dä Koin käh thawka Abel käh hlu Hnadaga khäka mawmawt pawi hüt saw. Ani käh yum koong dä Hnadaga la ani käh hlu lawei bala che ani konghmuh sang mäi hüt ting hawu hüt. Abel dü thän ani käh yum la ani koong tua ha kräu khäh.

Sara awbawng chang hüt däk saw koong awchaw thäneyeih saw sawk mäi hüt tiyah thän uyum koong dä ani la Awbraham käh chaw awchaw nawk. Iyaäm Hnadaga la khawmei saw che yum phoih dä ting Sara la yumei hüt.

Iyaäm Awbraham la ochou matih mräh koong chong bala mäi. Äi mräh eje phoutih la bitih che Hnadaga.

Mosi uyum äng chom pänäng mawng chuhnu käh chaw ting upuma ini paneyeih saw ani la hlüei hütah. Sawkak mäyeih hiyahtih ngulai äng käh awpiyaw hiyän bala Hnadaga käh khrawng khäl äng dukhah khawmaih saw ani la heh lei. Ani la Aigup pre a käh kähkän thawka Krito koong hiyawh ei nübüneyeih saw awbawng pawi ting khinei, iyaäm ani mik che phiyaw phoih pawh äng mäi hüt. Uyum koong dä Mosi la mawng aman pok saw bang keh a pak Aigup pre ä hläh al hüt saw. Iyaäm imik la hmu ah saw Hnadaga a u hmuh saw huih chunei bala mäi hüt.

Hnadaga la Awbrahama chawm hüt khaw a, ani a uyum mäi hüt awlaw Aijak a hlu hüt. Hnadaga la khawmei saw Awbraham la lawkei, awchaw a hlu aih koong ächän mäi hüt.

Uyum koong dä hmutaw chawgraw Rahab Hnadaga kheu ngeiyah tih khäl ängtu krak hütah saw. Iyaäm ani la äi Isawlael käläng käh uduk prang sotih khrawng khäla khanbawn huih lawkei hüt.

Isawlael khälla Hnadaga a ini yumei koong dä mret sen kawt hnäng hmawna hul phäng phänga lawm poh pek. Äini Aigup presaw khäl anih huih äi mret ini kawtaih khiyang ni nek ula ini dü chak.

Uyum koong dä Isawlael khäl hnüp seh daraih Jeliko mräh patchi ini chetei pänäng äi mräh äng käh lung pawng jal chak saw.

Uyum koong dä lätal päi la thi ini phran saw thung ngei hüt saw. Iyaäm tuaih tih la Isawlael khäl käh chaw u chaw khäla tua pak.

Yosep üdü aih khaw a Hnadaga la Isawlael khäla Aigup pre känäng thoh al khäh äi ting uyum mäi hüt. Äi koong ani la anih a ani käh yoh khäl anih ängtu ini chih a laih saw tak.

Uyum koong dä Yakub dü aih khaw a Yosep chaw häih a pisih pek hüt saw. Awlaw ani la kompum äng chechetei bala Hnadaga a rosi hüt saw.

Uyum äng awhmawi mawh a käh khin koong Aijak la Yakub awlaw Eso pisih pek hüt.