Popular Bible Verses from Mota̱a̱ 9

Share

Agba reve n 'ya̱sa̱n wu zuva adama n roco ucira u va̱ tsa̱ra̱ a uwwa aɗa a ala a̱ va̱ a̱tsuma̱ o uvaɗi suru.

Reve A̱sulazuva a damma Musa, <<Vu 'ya̱wa̱ ya Firi'awuna, a̱vu vu damma yi, <Apa ili i na A̱sulazuva a dammai, A̱sula̱ a Mmaci ma Ibrahim a dammai: <<Vu lyawa ama a̱ va̱ a̱ ka̱ra̱, tsa̱ra̱ a̱ 'ya̱wa̱ a yuwaan mu a̱ga̱nda̱.>>

Adama a na gogo tsunda na̱ n shi ta̱ ɗe mu ba̱ruwa̱ ekere a̱ va̱ n faba wu oɓolo na ama a̱ wu na̱ a̱tsuma̱lima̱ o usuɗuwu lon, a na a̱ shi ta̱ ɗe a tasa wu a̱tsuma̱ o uvaɗi u nda.

Uwwai, ukere wa̱ A̱sulazuva u ta̱ lapa ɗu na̱ a̱tsuma̱lima̱ o uwuyanu e iliyamunga i na i ri a atsusa: ido na̱ nloli oɓolo na arakumi a̱ ɗu ni inan ni ikyon na̱ mgbele n ɗu. Agba n ta kakasa iliyamunga ya ama a Isra'ila na aza a Masar, adama a na ko nama ta̱ a̱tsuma̱ e inama ya ama a Isra'ila a̱a̱ kuwa̱ shi.> >>

Adama o ndolo gba, a̱ tyo a mantsa ma nda nfa'an, n ta zuwa atayan a̱tsuma̱ a Masar cu'un na koto a yuwain a̱tsuma̱ Masar shi diga a mantsa ma na a yuwan niyi hali a̱tyo ana'an. Gogo vu zuwa a̱ ta̱wa̱a̱ ni iliyamunga ya̱ wu a̱tsuma̱ o oogodo a̱ wu oɓolo ni ili suru i na vu ri na̱ a̱yi ba̱ta̱ ro. Adama a na atayan a̱ ta̱ riya̱a̱ vuma suru na̱ nama na ri a aatsusa na koto a̱ ta̱wa̱yi na̱ a̱yi o u'wa shi reve a̱ kuwa̱.> >>

Okomo'o gba u ta baza tsa̱ a̱ ma̱buta̱ a̱tsuma̱ e iɗa ya Masar suru. U ta zuwa amicin o uta̱, reve o o'wo antsu a̱ lipu va ama ni inama a̱tsuma̱ e iɗa suru.>> Reve e kene okomo o una̱ wu uruma, reve e isawan elime a Firi'awuna. A̱vu Musa kusha'wa okomo'o o upepu, a̱vu okomo'o wo o'wo amicin o utusa̱ a̱ lipu va ama ni inama.