Popular Bible Verses from Mota̱a̱ 7

Share

A̱vu A̱sulazuva a̱ usu Musa, <<Uwwa nda, n zuwa ta̱ voo o'wo gashi A̱sula̱ e ekere a Firi'awuna Mogono. Mawun ma̱ a̱na̱wun ma̱ wu gba Haruna u to o'woo wu vumava̱sula̱.

Agba n ta zuwaa yi aciyogbamu. Agba ko na̱ n da̱shi yuwan iroci ni ili ya asalama e iɗa ya Masar, woo poloo ɗu atsuvu shi. A̱vu mu ba̱ruwa̱ ukere u va̱ a aci a Masar. Reve nu ulinga wu ucira wu uge'etosu mu uta̱a̱ oɓolo a̱ a̱soja a̱ va̱, ama a̱ va̱ aza a Isra'ila e iɗa'a.

Aza a Masar gba e te reve a na a̱mu ɗa A̱sulazuva a mantsa ma na mu ba̱ruwa̱i ukere u va̱ a aci a Masar reve mu uta̱a̱ ama a Isra'ila a̱tsuma̱ e le.>>

A̱vu Firi'auna ɗe a̱za̱ o urevu no oboci na̱ a̱za̱ a̱ yindi a̱ yi, aza a na a yuwain ulinga wa asalama na̱ tsuboci tse ele cine Haruna yuwain. A̱vu suru nle a vari aɗanga ele e iɗa a̱vu o o'wo iyo. Reve aaɗanga a Haruna o soɗu aɗanga e le.

Apa ili i na A̱sulazuva a dammai: Tsunda tsa ɗa vee reve a̱mu ɗa A̱sulazuva: Ka̱lyuwa̱, n ta faba mini ma̱ Nilu na aaɗanga a nda a na a̱ ri o ukere u va̱, mini'i gba mo to o'wo mpasa.

<<Musa na̱ Firi'awuna zuwa ɗu i yuwaan yi ulinga wa asalama, vu damma Haruna vari aaɗanga a̱ yi a̱ ma̱ka̱ka̱n ma̱ yi, aaɗanga'a u to o'wo yo.>> Reve a̱ 'ya̱wa̱ ya Firi'awuna cine A̱sulazuva a damma nle. A̱vu Haruna vari aaɗanga a̱ yi a̱ ma̱ka̱ka̱n ma Firi'awuna na azagbain a̱ yi, reve aaɗanga'a wo o'wo yo.