Popular Bible Verses from Mota̱a̱ 20

Share

<<A̱mu ɗa A̱sulazuva, A̱sula̱ a̱ ɗu, za na uta̱a̱ nɗu a̱tsuma̱ a Masar diga e iɗa i tsugbashi. <<Ya̱a̱ da̱na̱ na̱ musula̱ n ro shi, she a̱mu.

<<She vu yuwaan aciya̱wu a̱ma̱li tso oroci e ili i ro zuva ko o uvaɗi ko a̱ mini za̱la̱ vu uvaɗi wan. She vu kingyowa̱ le ko vu yuwaan le a̱ga̱nda̱ wan, adama a na a̱mu A̱sulazuva, A̱sula̱ a̱ wu, A̱sula̱ a̱ tsushu'un a ɗa. Nna̱ vu 'yuwan mu, n ta̱ ge'eto ugundo wa̱ wu diga a̱ muwun ma̱ wu a̱ 'ya̱wa̱ a̱ muwun n tsukaya ma̱ wu hali a̱ tyo a̱ muwun n tsukaya m muwun n tsukaya n le.

<<Vu yuwan tsutoni na̱ dada na̱ mma va̱ wu, adama vu yuwan a'wan a̱ a̱bunda̱ e iɗa i na A̱sulazuva A̱sula̱ a̱ wu aa ca wu.

<<I cuwan nu urana wa Ashibi, i tara yi na akiza, cine A̱sulazuva A̱sula̱ a̱ ɗu a zuwa nɗu.

<<She i yuwan ulinga na ala a̱ A̱sulazuva A̱sula̱ a̱ ɗu pere m pere wan, adama a na A̱sulazuva aa lyawa za na yuwain ulinga na ala a̱ yi pere m pere fa̱a̱n shi.

Vu ta̱ na̱ rana ta̱li, vu yuwan linga va̱ wu suru a̱tsuma̱ a rana'a. Agba urana we cindere Ashibi a ɗa e ekere a̱ A̱sulazuva A̱sula̱ a̱ wu a ɗa. O urana u ndolo, ko za she u yuwan ulinga wan. Muwun me esheli ma̱ wu na̱ muwun mo olobo ma̱ wu a yuwan ulinga wan. Waru agbashi e esheli na agbashi o olobo a̱ wu a yuwan ulinga wan. Iliyamunga ya̱ wu, ko mocin na ri pe nden a̱tsuma̱ o u'wa wa̱ wu a yuwan ulinga wan.

<<She vu zuwa esu a̱ wu o u'wa, ko a ka va̱ yi wan, ko a aagbashi a vali ko a aagbashi a ka a̱ yi, ko e inan, ko o nloli, ko e ili i ta̱ i moron ma̱ nden ma̱ wu wan.>>

<<She vu usuwa̱ nanza ili i na vu revei shi wan.

<<She vu yuwan tsipere wan.

<<She vu una vuma nu ucigu wa̱ wu wan.

<<She vu yuwan wivu wan.