Popular Bible Verses from Lawana Nani 139

Share

Yang mamyunamna, man aihka painkira ai paskram bamna; man warkkam nani ba diara aihka pain pali paskram sa bamna; yang bui baha aihka kaikisni.

Dawan, man tâinka pliki kaiks bara kupi tânka ba sin kaiks: yang kupi lukra ba dukiara traiki kaiks bara lukanki nani ba sin. Bara kaiks, yang kra saurka yabalka ra auna sa sapa, bara ban kaia yabalka ra ai mangks.

Man bui sika, yang rayaki ba paskram yang yaptiki biara ra katna ba wina.

Man namkra nani ba ai kaikan yang ai paski kan piua ra, baha sut ba man wauhkamtaya ra ulban sa, yang rayaki yua nani sin man pat kulki kaikram baha nani kumi sin kau bal takras kan ba ra.

Dawan, man bui yang tâinka plikram, bara ai kaikisma.

¿Yang ansara wamna man spiritkam âpu kabia ki? ¿Ansara sin yang plapamni, bahara man ai kaikras kama ba?

Man, yang daukanki nani sut ba kaikisma; yang kupi ra lukisna ba, man laih wina kaikisma.

Bîla kumi sin yang aisaia âpu sna, bara man, Dawan, baha sut ba kat kaikisma.

Man, yang impakanki nani sut ba kaikisma, ¡dîa daukisna ba sut sin kaikisma!